აჭარის მთავრობის თავმჯდომარემ ზურაბ პატარაძემ კურორტ ,,გოდერძზე" ოჯახთან ერთად სტუმრობის შემდეგ ხულოს მუნიციპალიტეტის სოფლებში, დანისპარაულსა და დიდ რიყეთში სოციალურად დაუცველი ოჯახები მოინახულა, მათ დედის დღე მიულოცა და საჩუქრები გადასცა.

მასთან ერთად ხულოს მაჟორიტარი დეპუტატი საქართველოს პარლამენტში ანზორ ბოლქვაძე და ხულოს გამგებელი ბესიკ ბაუჩაძე იმყოფებოდნენ. ზურაბ პატარაძემ ხელისუფლების წარმომადგენლებთან ერთად სოფელ დანისპარაულში მცხოვრებ სოციალურად დაუცველ მარტოხელა დედას, მზიური შამანაძეს გაზქურა გადასცა.

მზიური შამანაძე სამი შვილის დედაა. აქედან ერთი შვილი შეზღუდული შესაძლებლობის მქონეა. მას 2 ქირურგიული ოპერაცია უკვე ჩაუტარდა, რომელიც ჯანდაცვის სახელმწიფო პროგრამით დაფინანსდა და მალე მესამე ოპერაციაც ჩაუტარდება. რეგიონის პირველმა პირმა და ანზორ ბოლქვაძემ სოფელ დიდ რიყეთში მცხოვრები სოციალურად დაუცველი მანანა გორგაძისთვის განკუთვნილი ეტლი მის შვილს გადასცეს. მანანა გორგაძემ ცოტა ხნის წინ ინსულტი გადაიტანა და დამოუკიდებლად გადაადგილება არ შეუძლია.

"დღეს მოვიარეთ რამდენიმე სოფელი ხულოს მუნიციპალიტეტში. სოციალურად დაუცველ დედებს მივულოცეთ გაზაფხულის ეს მშვენიერი დღესასწაული და ბედნიერება, სიხარული და შვილების კეთილდღეობა ვუსურვეთ. მინდა აღვნიშნო, რომ დედები, რომლებიც მარტო ზრდიან სპეციალური საჭიროების მქონე შვილებს, ჩვენთვის სიძლიერის მაგალითია და ჩვენგან ისინი მხარდაჭერას, დაფასებას და პატივისცემას იმსახურებენ" – განაცხადა ზურაბ პატარაძემ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს