ამერიკის შეერთებული შტატების სახელმწიფო დეპარტამენტი ტელეკომპანია "რუსთავი 2"-ის ირგვლივ განვითარებულ მოვლენებს ეხმაურება, - ამის შესახებ ინფორმაციას "ამერიკის ხმა" ავრცელებს.

როგორც აშშ-ის სახელმწიფო დეპარტამენტში აცხადებენ, "რუსთავი 2"-თან დაკავშირებით უზენაესი სასამართლოს გადაწყვეტილების შედეგით შეშფოთებულები არიან.

"შეერთებული შტატები შეშფოთებულია რუსთავი 2-თან დაკავშირებით საქართველოს უზენაესი სასამართლოს გადაწყვეტილების შედეგით. გადაწყვეტილებამ შესაძლოა, შეზღუდოს ოპოზიციის ხმა ქართულ სამაუწყებლო მედიაში. პლურალისტური მედიაგარემო არსებითია საქართველოს დემოკრატიული ზრდისა და ევრო-ატლანტიკური მისწრაფებებისათვის. ვთხოვთ საქართველოს მთავრობას, გადადგას ნაბიჯები და უზრუნველყოს, რომ მედიაგარემო დარჩეს თავისუფალი, ღია და პლურალისტური".

"ამერიკის ხმის" ქართული რედაქცია პოლ სტრონსკის, ვაშინგტონის კარნეგის საერთაშორისო მშვიდობის ფონდის ექსპერტს დაუკავშირდა, რომელმაც აღნიშნულ თემაზე განაცხადა, რომ გადაწყვეტილება შემაშფოთებელია, თუმცა არა მოულოდნელი.

"მრავალი წელია, არხის საკუთრების სტრუქტურასთან დაკავშირებით დავა მიმდინარეობს. რაც არ უნდა მომხდარიყო 10 წლის წინ სააკაშვილის მთავრობის პირობებში, დღეს არაარსებითია. "რუსთავი 2" მნიშვნელოვან როლს თამაშობს, როგორც დამოუკიდებელი ხმა. დამოუკიდებელი მედია სჭირდება საქართველოს, განსაკუთრებით ოქტომბრის არჩევნებში "ქართული ოცნების" დამაჯერებელი გამარჯვების შემდეგ. სააკაშვილის ეპოქაზე დაუსრულებელი დავა ვერ დაგვეხმარება დღევანდელი გადაუდებელი საკითხების მოგვარებაში. ვიმედოვნებ, მთავრობის მიმართ კრიტიკული ხმები შეინარჩუნებენ მექანიზმებსა და საშუალებას, მათ შორის რუსთავი 2-ზე, რათა გააჟღერონ ის, რაც აწუხებთ და მთავრობისგან მოითხოვენ პასუხს. ესაა ნებისმიერი დემოკრატიის მნიშვნელოვანი ნაწილი. საქართველოში დემოკრატიის უკანდახევის აღქმაც კი დააზიანებს საქართველოს საერთაშორისო იმიჯს“, - აღნიშნა სტრონსკიმ.

შეგახსენებთ, 2 მარტს უზენაესი სასამართლოს დიდმა პალატამ ტელეკომპანია „რუსთავი 2“ ყოფილ მფლობელ ქიბარ ხალვაშს მიაკუთვნა, თუმცა გუშინ ევროსასამართლომ უზენაესი სასამართლოს გადაწყვეტილების აღსრულება 8 მარტამდე შეაჩერა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა