ჩვენი მოქალაქეების დიდი უმრავლესობა დღეს სიღატაკეში ცხოვრობს, რადგან თავისუფალი ვაჭრობის ხელშეკრულება, რომელიც ჩვენ გადმოგილოცეთ, ფარატინა ქაღალდად დარჩა, - ამ სიტყვებით მიმართა "ნაციონალური მოძრაობის" წევრმა სალომე სამადაშვილმა "ქართულ ოცნებას".

როგორც სამადაშვილმა აღნიშნა, განვლილი 4 წელი საქართველოს ევროინტეგრაციის გზაზე ფუჭად დაკარგული იყო.

"სამწუხაროდ ის, რაც მოხდა ოცნების მმართველობის პერიოდში, არ გვაძლევს საფუძველს ვიფიქროთ, რომ ევროინტეგრაციის გზაზე ახალი ხელისუფლება წარმატებული აღმოჩნდება. ჩვენ ვნახეთ რომ გასული 4 წელი სრულიად ფუჭად იყო დაკარგული ჩვენი ევროინტეგრაციის პროცესში. საზოგოადება დღესაც ელოდება უვიზო მიმოსვლის შესაძლებლობას, რომელსაც ჩვენ დღემდე ვერ მივაღწიეთ, სწორედ თქვენს მიერ დაკარგული დროის გამო. ფაქტობრივად შეუძლებლად იქცა ამერიკის შეერთებულ შტატებთან თავისუფალი სავაჭრო ხელშეკრულების გაფორმების შესაძლებლობა. ჩვენი მოქალაქეების დიდი უმრავლესობა დღეს სიღატაკეში ცხოვრობს, რადგან თავისუფალი ვაჭრობის ხელშეკრულება, რომელიც ჩვენ გადმოგილოცეთ, ფარატინა ქაღალდად დარჩა. დღეს საკანონმდებლო ორგანოში წარმოდგენილია ის სუბიექტები, რომლებიც ღიად ლობირებენ ანდიტადასვლურ კურსს და აშკარად ამბობენ რომ ქვეყანა არ უნდა გაწევრიანდეს ნატო-ში. მინდა გითხრათ, რომ მე და ჩემი გუნდი ამ მიმართულებით, ისევე როგორც სხვა მიმართულებებით, უმწავევს ოპონირება ს გაგიწევთ", - განაცხადა სალომე სამადაშვილმა.

ცნობისთვის, დღეს, მე-9 მოწვევის პარლამენტი პირველ სხდომას მართავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა