საპარალამენტო  უმცირესობის წევრი გიგი წერეთელი „ქართულ ოცნებას“ ურჩევს, „ნუ არიან დაძაბულები და  მოეშვან“.

ასე გამოხმაურა წერეთელი ფრაქცია „ქართული ოცნების“ თავმჯდომარის გია ვოლსკის განცხადებას, რომლის თანახმადაც არ არის გამორიცხული, რომ წერეთლის კანდიდატურაზე „ევროპის სახალხო პარტიასა“ და რუსეთს შორის გარკვეული გარიგება შედგა.

წერეთელი თვლის, რომ ყველაფერი „პარანოიის ფაზაშია“ გადასული.

„ეს ყველაფერი უკვე პარანოიის ფაზაშია გადასული, ეს დიაგნოზია. ყველაფერი ეჩვენებათ. დაძაბულები არიან და მოეშვან. რატომ არიან დაძაბულები? 4 წელია ვიცე-პრეზიდენტი  ვარ და არ მგონია, რომ რაიმე დიდი დარტყმა მიეღოთ ჩემგან. მე ჩემს ქვეყენას ვეხმარები და არა „ნაციონალურ მოძრაობას“ და  „ქართულ ოცნებას“. ვფიქრობ, ეს ძალიან დიდი სისუსტის მაჩვენებელია“,-განაცხადა წერეთელმა.

როგორც წერეთელმა აღნიშნა, სწორედ ის არის ანტიქართული, ანტიევროპული კამპანია, რასაც დღეს „ქართული ოცნება“ აწარმოებს და ზოგადად სადაც „ ეს პარანოია იხარშება“.

“აღნიშნულ თემაზე ლაპარაკი უბრალოდ სასაცილოა”, - განაცხადა წერეთელმა.

ცნობისთვის, ევროპის სახალხო პარტიამ  გიგი წერეთლის კანდიდატურა ასამბლეის პრეზიდენტის პოსტზე წარადგინა და კენჭისყრა აღნიშნულ საკითხთან დაკავშირებით ხვალ გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება

პროკურატურამ ფორმულას მიმართ აღძრულ საქმეზე გამოკითხვაზე დავით ქაშიაშვილი დაიბარა