საქართველოს თავდაცვის მინისტრმა მინდია ჯენლიძემ 1921 წელს საქართველოს დამოუკიდებლობისათვის ბრძოლაში გმირულად დაღუპულ იუნკრებს პატივი მიაგო.

იუნკერთა ხსოვნის პატივსაცემად კოჯორ-ტაბახმელას გმირთა მემორიალთან მინდია ჯანელიძე საქართველოს პრეზიდენტთან გიორგი მარგველაშვილთან და შეიარაღებული ძალების გენერალური შტაბის უფროსთან, გენერალ-მაიორ ვახტანგ კაპანაძესთან ერთად იმყოფებოდა.

ქვეყნის უმაღლესმა მთავარსარდალმა და თავდაცვის მინისტრმა საქართველოს დამოუკიდებლობისთვის ბრძოლაში გმირულად დაღუპულ იუნკერთა მემორიალი გვირგვინით შეამკეს და წუთიერი დუმილით ახალგაზრდების ხსოვნას პატივი მიაგეს.

გარდა ამისა, დამსწრე საზოგადოებას სიტყვით მიმართეს, იუნკერთა ღვაწლზე ისაუბრეს და  მათი გმირობის ისტორია კიდევ ერთხელ გაიხსენეს.

„პატივი მივაგეთ დაღუპული იუნკერების ხსოვნას. ეს არის ნათელი მაგალითი იმისა, რომ ჩვენი სამხედრო ტრადიცია, ჩვენი პატრიოტიზმის ტრადიცია, ჩვენ ის მებრძოლი სული და საფუძველი გვაქვს, რაზეც უნდა ავაშენოთ ჩვენი შეიარაღებული ძალები და ჩვენი სახელმწიფო. ძალიან მნიშვნელოვანია არ დაგვავიწყდეს ჩვენი ისტორია, ძალიან მნიშვნელოვანია ყოველთვის ყველგან პატივს მივაგებდეთ ჩვენი ტერიტორიული მთლიანობისთვის დაღუპულ გმირებს, რა პერიოდშიც არ უნდა იყვნენ ისინი დაღუპული“, - განაცხადა მინდია ჯანელიძემ.

1921 წელს საქართველოს დამოუკიდებლობისათვის ბრძოლაში დაღუპული ახალგაზრდების ხსოვნის პატივსაცემად კოჯორ-ტაბახმელას გმირთა მემორიალთან, აღმასრულებელი და საკანონმდებლო ხელისუფლების წარმომადგენლები, გენერალური შტაბის ხელმძღვანელი პირები, ასევე  დავით აღმაშენებლის სახელობის საქართველოს ეროვნული თავდაცვის აკადემიის იუნკერები იმყოფებოდნენ.

ღონისძიებაზე თავდაცვის სამინისტროს სამხედრო-სასულე ორკესტრმა საქართველოს სახელმწიფო ჰიმნი და სამგლოვიარო მარში შეასრულა.

ცნობისთვის, 1921 წლის 17-25 თებერვალს იალღუჯასთან, კოჯორთან და ტაბახმელასთან საქართველოს თავისუფლებისთვის ბრძოლაში რამდენიმე ასეული იუნკერი დაიღუპა. 94 წლის წინ ამ დღეს რუსეთის არმიამ თბილისი დაიკავა და საქართველოს დემოკრატიული რესპუბლიკის ოკუპაცია მოახდინა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში