"გახსოვთ, ბიძინა ივანიშვილი ერთ-ერთ მის ბოლო ინტერვიუში ვისაც ემუქრებოდა, გახარია იყო. სრულებით არ გამოვრიცხავ, რომ მთელი ეს ყალბი საგამოძიებო პროცესი მის წინააღმდეგ შებრუნდეს." - ამის შესახებ „ერთიანობა ნაციონალური მოძრაობის“ ერთ-ერთმა ლიდერმა, ხატია დეკანოიძემ ბათუმში, „შერატონში“ მომხდარ დაპირისპირებაზე საუბრისას განაცხადა.

ხატია დეკანოიძის თქმით, გვაქვს ქვეყანა, სადაც არ არსებობს სამართლებრივი ბერკეტი, რომ დაამტკიცო შენი სიმართლე.

„გახსოვთ, ბიძინა ივანიშვილი ერთ-ერთ მის ბოლო ინტერვიუში ვისაც ემუქრებოდა, გახარია იყო. სრულდებით არ გამოვრიცხავ, რომ მთელი ეს ყალბი საგამოძიებო პროცესი მის წინააღმდეგ შებრუნდეს. რეჟიმის ამ პირობებში არ გამოირიცხება ყველაზე უფრო ალოგიკური ქმედება. ქვეყანა გვაქვს, სადაც არ არსებობს სამართლებრივი ბერკეტი, სადაც შეგიძლია დაამტკიცო შენი სიმართლე. ეს არის ყველაზე უფრო მძიმე“, - აღნიშნა დეკანოიძემ.

გარდა ამისა, მან გადაცემაში აბუ-დაბიში მომხდარ ფიზიკურ დაპირისპირებაზეც ისაუბრა, რა დროსაც „ქართული ოცნების“ დეპუტატები ირაკლი ზარქუა და ვიქტორ სანიკიძე მოქალაქე ლაშა გაბიტაშვილს ფიზიკურად დაუპირისპირდნენ.

„გაქრნენ სივრციდან. მაქვს ინფორმაცია, რომ გამოკითხვასა და დაკითხვაზე იმყოფებოდნენ. საერთაშორისო პლატფორმებზე ვრცელდება კადრები, სადაც ჩანს, რომ საქართველოს არალეგიტიმური პარლამენტის ორი წევრი ძალადობს საქართველოს მოქალაქეზე. არ ვიცი როგორ დასრულდა გამოკითხვა, თუმცა შემიძლია გითხრათ რომ ვიზიტი, რომელიც დაგეგმილი ჰქონდა კობახიძეს, ეს ვიზიტიც გაუქმდა, კითხვის ნიშნები იყო. საქართველოს პატრიოტების გამო მათთვის კომფორტის ზონა არ არსებობს. ფაქტია, რომ კომფორტი არ აქვთ, ძალადობა მათ ასე დაამკვიდრეს“,- აღნიშნა დეკანოიძემ.

ავტორი: ექსპრესნიუსი,

სოციალური ქსელები

აშშ ამტკიცებს, რომ ჰორმუზის სრუტეში სამოქალაქო კომერციულ გემს ირანულმა დრონმა დაარტყა

დრონებმა რუსეთის ტულის რეგიონში მდებარე „აზოტის“ ქიმიურ ქარხანას შეუტიეს

Intelligence Online: თურქული კომპანიების ქსელი რუსეთის „ჩრდილოვანი ფლოტის“ ცენტრი ხდება

ვენესუელაში მომხდარი მიწისძვრის შედეგად დაღუპულთა რიცხვმა 230-ს გადააჭარბა