თუ ბიძინა ივანიშვილისა და „ქართული ოცნების“ დაპირებები არ არის საარჩევნო ტრიუკი, მაშინ გაახმოვანონ რას სთავაზობენ ეკლესიას და რა კონსულტაციები დასრულდა წარმატებით, ამის შესახებ „ძლიერი საქართველოს“ ლიდერი მამუკა ხაზარაძე სოციალურ ქსელში წერს.

მისი თქმით, ისინი მხარს უჭერენ კონსტიტუციის დონეზე საქართველოს მართლმადიდებელი ეკლესიის როლის მკაფიო განსაზღვრას ქართული სახელმწიფოს ცხოვრებაში და მიაჩნიათ, რომ ამას მთელი პოლიტიკური სპექტრი უნდა დაეთანხმოს.

„თუ ბიძინა ივანიშვილისა და „ქართული ოცნების“ დაპირებები არ არის საარჩევნო ტრიუკი, მაშინ გაახმოვანონ რას სთავაზობენ ეკლესიას და რა კონსულტაციები დასრულდა წარმატებით. თუ ეს მართლაც ასეა, მაშინ ჩვენ დაუყოვნებლივ დავუჭერთ მხარს, თუ, რა თქმა უნდა, ასეთი წინადადება მისაღები იქნება ეკლესიისთვის.

ჩვენ მომხრე ვართ, რომ კონსტიტუციის დონეზე მკაფიოდ განისაზღვროს საქართველოს მართლმადიდებელი ეკლესიის როლი ქართული სახელმწიფოს ცხოვრებაში და მიგვაჩნია, რომ ამას მთელი პოლიტიკური სპექტრი უნდა დაეთანხმოს. ამიტომ კონსტიტუციაში ცვლილებებზე კენჭისყრა საპარლამენტო არჩევნებამდე უნდა მოხდეს. ეს დაიცავს ეკლესიას „ქართული ოცნების“ მიერ საარჩევნო პროპაგანდაში ჩართვის მცდელობებისგან და კიდევ ერთხელ გააძლიერებს მის სტატუსს საკონსტიტუციო დონეზე.

მაგრამ არ დაგვავიწყდეს, რომ ესენი არიან ბიძინა და „ოცნება“, რომელთა SGB უსმენს, ჩაწერს და შემდეგ აქვეყნებს „რეპორტაჟებს“ ეკლესიის შანტაჟის მიზნით“, წერს მამუკა ხაზარაძე.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს