2024-06-06 20:23:38, 465 ნახვა
მსოფლიო
ორბანი - უკრაინელების ინტერესშია, რუსეთის წინააღმდეგ ომში ევროპა და მთელი მსოფლიო ჩართონ
უკრაინელების ინტერესშია, რუსეთის წინააღმდეგ ომში ევროპა და მთელი მსოფლიო ჩართონ, - ამის შესახებ უნგრეთის პრემიერ-მინისტრმა, ვიქტორ ორბანმა განაცხადა.
ორბანის თქმით, უკრაინელები ფიქრობენ, რომ რაც უფრო მეტი ქვეყნის ჩართვას შეძლებენ რუსების წინააღმდეგ თავიანთ ომში, მით მეტია მათი გამარჯვების შანსი.
„უკრაინის ეროვნული თვალსაზრისით, ომის ესკალაცია ლოგიკურია. მეორე მხრივ, უნგრელებმა იციან, რომ ომისგან შორს უნდა იყვნენ, რადგან მასში შესვლა უნგრეთის ეროვნულ ინტერესებს ეწინააღმდეგება. საფრანგეთის პრეზიდენტმა ასევე ზუსტად იცის, რა ისტორიულ სიღრმეებს და გეოპოლიტიკურ ჰორიზონტს ხსნის მისი წინადადებები. მე კი ვფიქრობ, რომ ყველაფერი უნდა გაკეთდეს ომის გავრცელების შესაჩერებლად“, - განაცხადა ორბანმა.
ავტორი: ექსპრესნიუსი,
epn.ge (@expressnews.ge)
