სოფლის მეურნეობის სამეცნიერო-კვლევითი ცენტრის დირექტორმა ლევან უჯმაჯურიძემ სოფლის მეურნეობის მეცნიერებათა აკადემიის წევრებს სამეცნიერო-კვლევითი ცენტრის მიერ 2022 წლიდან დღემდე განხორციელებული სამუშაოს ანგარიში, მიმდინარე საქმიანობები და სამომავლო გეგმები გააცნო. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათი ცნობით, შეხვედრას გარემოს დაცვისა და სოფლის მეურნეობის მინისტრის მოადგილე იური ნოზაძე, სოფლის მეურნეობის მეცნიერებათა აკადემიის პრეზიდენტი გივი ჯაფარიძე, აკადემიის  წევრები და შესაბამისი სამსახურების წარმომადგენლები ესწრებოდნენ.

„შეხვედრაზე ყურადღება გამახვილდა სამეცნიერო-კვლევითი ცენტრის დეპარტამენტებსა და აკადემიის სამეცნიერო განყოფილებების ცალკეული, მიზნობრივი თანამშრომლობის საჭიროებაზე, გადაწყდა აქტიური შეხვედრების მოწყობა და დისკუსიების წარმართვა.

შეხვედრა სამეცნიერო-კვლევითი ცენტრის წილკნის ბაზაზე გაიმართა. სოფლის მეურნეობის მეცნიერებათა აკადემიის წარმომადგენლებმა პროფ. ივანე სარიშვილის სახელობის ნიადაგის კვლევის ლაბორატორია დაათვალიერეს და ლაბორატორიის თანამედროვე აღჭურვილობასა და მიმდინარე ძირითად საქმიანობებსაც გაეცნენ“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს