პერუს პირველი ქალი პრეზიდენტი ჰყავს. BBC-ის ცნობით, დინა ბოლუარტე ქვეყნის პირველი პირი ხდება მას შემდეგ, რაც ექსპრეზიდენტი პედრო კასტილო დააკავეს.

ბოლუარტემ, რომელიც მანამდე ვიცე-პრეზიდენტის პოსტს იკავებდა, ქვეყნის დედაქალაქ ლიმაში გამართულ ცერემონიაზე ფიცი უკვე დადო.

”რასაც მე ვითხოვ, არის სივრცე და დრო ქვეყნის გადასარჩენად”, - განაცხადა ახალმა პრეზიდენტმა ფიცის დადების შემდეგ სიტყვით გამოსვლისას.

რაც შეეხება ექსპრეზიდენტ პედრო კასტილოს, როგორც BBC წერს, მოვლენების დრამატული ჯაჭვი დაიწყო ოთხშაბათს, 7 დეკემბერს, როდესაც კასტილომ სატელევიზიო მიმართვისას, პერუში საგანგებო მდგომარეობა გამოაცხადა და ოპოზიციური უმრავლესობით წარმოდგენილი პარლამენტის დაშლა და კონგრესის „განსაკუთრებული საგანგებო მთავრობით“ ჩანაცვლება სცადა.

პრეზიდენტის აღნიშნულ გადაწყვეტილებას საყოველთაო აღშფოთება მოჰყვა - რამდენიმე მინისტრი პროტესტის ნიშნად გადადგა. საგანგებო სესიაზე შეკრებილმა დეპუტატებმა კი, პედრო კასტილო იმპიჩმენტის წესით გადააყენეს. საკონსტიტუციო სასამართლომ ყოფილი პრეზიდენტი სახელმწიფო გადატრიალებაში დაადანაშაულა და დააპატიმრა. 

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს