ჩინეთში Covid-19-ის შეზღუდვების წინააღმდეგ საპროტესტო აქციები გაძლიერდა მას შემდეგ, რაც ურუმჩის ერთ-ერთ კორპუსში გაჩენილ ხანძარს 10 ადამიანი ემსხვერპლა. 

ქალაქ შანხაიში, უცხოელი ჟურნალისტების მიერ გამოქვეყნებული ვიდეოებიდან ჩანს, რომ ათასობით ადამიანი მსხვერპლთა მოსახსენიებლად და კოვიდშეზღუდვების გასაპროტესტებლად ქუჩაში გამოვიდა. ისინი ჩინეთის პრეზიდენტ სი ძინპინის გადადგომას ითხოვენ. 

მოქალაქეების ნაწილი გაჩენილი ხანძრით გამოწვეულ მსხვერპლს საცხოვრებელი კორპუსების ჩაკეტვას უკავშირებს. ამ ბრალდებებს ჩინეთის ხელისუფლება უარყოფს. 

მსგავსი საპროტესტო გამოსვლები უჩვეულოა ჩინეთში, სადაც მთავრობისა და პრეზიდენტის მისამართით ნებისმიერმა პირდაპირმა კრიტიკამ შეიძლება გამოიწვიოს მკაცრი ჯარიმები.

ცნობისთვის, ჩინეთში Covid-19-ით ინფიცირების შემთხვევები იზრდება. დღიურ შემთხვევათა რაოდენობა 31 ათასამდე აღწევს, რაც აჭარბებს აპრილ-მაისის მაჩვენებელს, რომლის მიხედვითაც შანხაიში, 24 საათში 29 317 ადამიანი დაინფიცირდა და ქალაქში შეზღუდვები დაწესდა.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს