ლუკაშენკოს რეჟიმი რუსეთთან ერთად იზიარებს უკრაინაში სამხედრო დანაშაულებზე პასუხისმგებლობას, რომლის გამოც ის პასუხისგებაში უნდა მიეცეს,- ნათქვამია ევროპარლამენტის რეზოლუციაში, რომლითაც ევროდეპუტატები EU-სა და ევროკომისიას ბელარუსისთვის, სანქციების დაწესებას სთხოვენ.

როგორც რეზოლუციაში ვკითხულობთ, დიქტატორი საერთაშორისო ტრიბუნალის წინაშე უნდა წარსდგეს.

„მიუხედავად იმისა, რომ ევროპარლამენტი მხარს უჭერს ბელარუსის დემოკრატიული ოპოზიციის პოზიციას, რომ ბელორუსია უნდა იყოს აღიარებული ოკუპირებულ ტერიტორიად, საიდანაც რუსული ჯარები დაუყოვნებლივ უნდა გაიყვანონ, პარლამენტი მკაცრად გმობს ლუკაშენკოს მთავრობის ჩართვას რუსეთის ომში უკრაინის წინააღმდეგ“,- ვკითხულობთ რეზოლუციაში.

გარდა ამისა, ევროპარლამენტარები იმეორებენ თავიანთ მოწოდებას ევროკავშირის ქვეყნებსა და ევროკომისიას, მკაცრად დააწესონ იგივე სანქციები ბელარუსის მიმართ, რაც მათ დაუწესეს რუსეთს.

ისინი ასევე მოუწოდებენ ევროკავშირის ინსტიტუტებს მხარი დაუჭირონ ბელარუსის დამოუკიდებელ საინფორმაციო გამოშვებებს, როგორიცაა Nexta. და მოუწოდებენ უფრო სისტემატური თანამშრომლობისკენ ევროკავშირსა და ბელორუსის დემოკრატიული ძალების წარმომადგენლებს შორის.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს