2022-11-23 09:08:53, 860 ნახვა
მსოფლიო
თურქეთში 6.0 მაგნიტუდის სიმძლავრის მიწისძვრა მოხდა - არიან დაშავებულები
თურქეთში 6.0 მაგნიტუდის სიმძლავრის მიწისძვრა მოხდა. ქვეყნის ჯანდაცვის სამინისტროს მიერ გავრცელებული ინფორმაციით, დაშავებულია 22 ადამიანი.
მიწისძვრის ეპიცენტრი თურქეთის დასავლეთ ნაწილში, ქალაქ დუზჯეში დაფიქსირდა. მიწისქვეშა ბიძგები იმდენად ძლიერი იყო, რომ დედაქალაქ ანკარაში, სტამბოლში, იზმირში და სხვა პროვინციებშიც იგრძნობოდა.
როგორც ქვეყნის გეოლოგიური სამსახური იტყობინება, მიწისძვრის ეპიცენტრთან ახლოს 18 განმეორებითი ბიძგი დაფიქსირდა.
დუზჯეში მიწისქვეშა ბიძგები 1999 წელსაც მოხდა, მაშინ 7.2 მაგნიტუდის სიმძლავრის მიწიძვრას 845 ადამიანის სიცოცხლე ემსხვერპლა.
ავტორი: ექსპრესნიუსი,
epn.ge (@expressnews.ge)
