2022-03-01 11:47:58, 555 ნახვა
მსოფლიო
აშშ-მა გაეროში 12 რუსი დიპლომატი პერსონა ნონ გრატად გამოაცხადა და გააძევა
ამერიკის შეერთებულმა შტატებმა გაერო-ში მომუშავე 12 რუსი დიპლომატი პერსონა ნონ გრატად გამოაცხადა და გააძევა. ინფორმაციას „როიტერი“ ავრცელებს.
„ეს ნაბიჯი რამდენიმე თვის განმავლობაში მუშავდებოდა", - განაცხადა გაერო-ში აშშ-ის მისიის სპიკერმა.
აშშ-ის გაერო-ს მისია რუს დიპლომატებს დაზვერვის ოპერატორებად აფასებს, რომლებიც ჯაშუშურ საქმიანობაში არიან ჩართულები, რაც უარყოფით გავლენას ახდენს ქვეყნის ეროვნულ უსაფრთხოებაზე.
როგორც გაერო-ში რუსეთის ელჩმა განაცხადა, დიპლომატებს ქვეყნის დატოვების ვადა 7 მარტამდე მისცეს.
ავტორი: ექსპრესნიუსი,
epn.ge (@expressnews.ge)
