უკრაინელი სამხედრო ექსპერტი, მიკოლა სუნჰუროვსკი აცხადებს, რომ დონეცკსა და ლუგანსკში რუსეთის მოქალაქეების ინტერესების დაცვა, რუსეთმა შესაძლოა ომის დაწყების საბაბად გამოიყენოს, როგორც ეს 2008 წელს, საქართველოს სეპარატისტულ რეგიონებში გააკეთა. 

როგორც ექსპერტმა „ეურონიუსთან“ ინტერვიუში განაცხადა, რუსეთმა ომი მას შემდეგ დაიწყო, რაც სამხრეთ ოსეთისა და აფხაზეთის სეპარატისტული რეგიონების მცხოვრებლებს რუსული პასპორტები, დაცვის საბაბით, გადასცა.

ცნობისთვის, რუსეთმა აღმოსავლეთ უკრაინის სეპარატისტების მიერ კონტროლირებად რაიონებში 720 000-ზე მეტ ადამიანს რუსეთის პასპორტი მისცა. დონეცკისა და ლუგანსკის მაცხოვრებლებს რუსული პასპორტით გასული წლის საპარლამენტო არჩევნებზე და 2020 წლის პლებისციტზე ხმის მიცემის უფლება მიეცათ. 

რუსი ანალიტიკოსები შიშობენ, რომ რუსეთმა შესაძლოა უკრაინაში შეჭრა საკუთარი მოქალაქეების დაცვის საბაბით გაამართლოს, რომლებიც დონბასში ასობით ათასი არიან. 

თუმცა, ანალიტიკოსები აცხადებენ, რომ კრემლი ბევრად უფრო დაინტერესებულია ამოხებულების მიერ კონტროლირებადი ტერიტორიების სტატუსის გაურკვევლობაში შენარჩუნებით და იმის ჩვენებით, რომ მათ აქვთ რამდენიმე ვარიანტი მაგიდაზე - იქნება ეს მათი დამოუკიდებლობის აღიარება თუ ძალების განლაგება ტერიტორიაზე, რუსეთის მოქალაქეების დასაცავად. 

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს