2022-02-18 10:18:27, 960 ნახვა
მსოფლიო
უკრაინული მედიის ცნობით, რუსეთის საოკუპაციო ჯარებმა ლუგანსკის რაიონის სოფელში ცეცხლი კვლავ გახსნეს
რუსეთის საოკუპაციო ჯარებმა ლუგანსკის რაიონის სოფელ სტანიცია ლუგანსკას მიმართულებით ცეცხლი კვლავ გახსნეს, - ამის შესახებ ინფორმაციას უკრაინული მედია ავრცელებს.
როგორც გამოცემა „უკრაინსკაია პრავდა“ საკუთარ წყაროზე დაყრდნობით წერს, ერთი ჭურვი საცხოვრებელ სახლს მოხვდა, რის შედეგადაც ხანძარი გაჩნდა. დაშავებულების ან მსხვერპლის შესახებ ინფორმაცია არ გავრცელებულა.
შეგახსენებთ, 17 თებერვალს დილით უკრაინის ხელისუფლებამ გაავრცელა ცნობა, რომ საოკუპაციო ძალებმა დაბომბეს სტანიცა ლუგანსკა, რა დროსაც საარტილერიო ჭურვები საბავშვო ბაღს მოხვდა. შემთხვევის შედეგად, დაშავდა ორი აღმზრდელი.
ავტორი: ექსპრესნიუსი,
epn.ge (@expressnews.ge)
