2022-02-16 12:04:49, 883 ნახვა
მსოფლიო
რუსეთის თავდაცვაში აცხადებენ, რომ ყირიმში სამხედრო წვრთნები დასრულდა და ჯარი დისლოკაციის ადგილს უბრუნდება
რუსეთის თავდაცვის სამინისტროში აცხადებენ, რომ ყირიმში სამხედრო წვრთნები დასრულდა და ჯარისკაცები მუდმივი დისლოკაციის ადგილს უბრუნდებიან.
„სამხრეთის სამხედრო ოლქის ქვედანაყოფებმა, ყირიმის ნახევარკუნძულის საწვრთნელ მოედანზე ტაქტიკურ წვრთნებში მონაწილეობა დაასრულეს, სარკინიგზო ტრანსპორტის საშუალებით თავიანთი მუდმივი დისლოკაციის პუნქტებისკენ მიემართებიან", - აცხადებენ თავდაცვის უწყებაში.
შეგახსენებთ, რომ გუშინ, რუსეთის თავდაცვის სამინისტროში განაცხადეს, რომ ქვეყნის სამხრეთისა და დასავლეთის სამხედრო ოლქების ქვედანაყოფები მუდმივი განლაგების ადგილზე, უკრაინის საზღვართან სწავლების სერიის დასრულების შემდეგ, ბრუნდებიან.
ავტორი: ექსპრესნიუსი,
epn.ge (@expressnews.ge)
