„ეს ის მეუფეა, რომელიც იძახდა გახარია პრემირი თუ გახდა ჩამოვაგდებო და როგორ გინდათ ამაზე სერიოზული კომენტარი გავაკეთო?“, - ასე გამოეხმაურა საქართველოს პრემიერ-მინისტრი გიორგი გახარია მეუფე იაკობის განცხადებას, რომელმაც აღნიშნა, რომ გახარიამ, გიორგი კვირიკაშვილმა და ვახტანგ გომელაურმა პატრიარქის ჩამოშორებაში დახმარება სთხოვეს.

როგორც პრემიერმა აღნიშნა, პატრიარქი საქართველოს წარსულის, დღევანდელი დღის და მომავლის სიმბოლოა.

„ცოტა შოკირებული ვარ. ეს მეუფე ის მეუფეა, რომელიც იძახდა, გახარია პრემიერი თუ გახდა, ჩამოვაგდებო. სერიოზულ კომენტარი თუ გაინტერესებთ, პატრიარქი ბოლო 40 წლის განმავლობაში არის ამ ქვეყნის წარსულის სიმბოლო, დღევანდელი დღის სიმბოლო და მომავლის სიმბოლო. არაერთხელ აღვნიშნე, რომ ეკლესია არის ის შემაერთებელი ძალა, რომელიც ჩვენს სახელმწიფოებრიობას კრავს. თუ რატომ აკეთებს ასეთ განცხადებებს, მეუფეს მიმართეთ. უხერხულ მდგომარეობაში ნუ მაყენებთ. მე კიდევ ერთხელ ვიმეორებ - მსგავსი სისულელეები უკვე საზღვარს გადასცდა. ერთხელ და სამუდამოდ უნდა გამოვიდეთ ამ პოლიტიკური კულტურიდან - მეწაღემ წაღები უნდა შეკეროს, ბანკირმა ბანკს უნდა მიხედოს, მეპურემ პური უნდა გამოაცხოს, მეუფემ ეკლესიაში უნდა იაროს და პოლიტიკას ყველამ თავი უნდა დაანებოს", - განაცხადა გიორგი გახარიამ.

შეგახსენებთ, ბოდბელი ეპისკოპოსი მეუფე იაკობი აცხადებს, რომ ხელისუფლების მაღალჩინოსნები მას პატრიარქის, ილია მეორის "გადაყენებაზე ეჩალიჩებოდნენ".

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა