„ესკალაციის საფრთხე არ არსებობს, ტერიტორია კონტროლს ექვემდებარება“, - ამის შესახებ შინაგან საქმეთა მინისტრმა ვახტანგ გომელაურმა ატოცში შექმნილ ვითარებასთან დაკავშირებით განაცხადა.

მინისტრის თქმით, ე.წ. ბორდერიზაციის პროცესი ისევ გრძელდება და აღნიშნულის თაობაზე ინფორმირებულია როგორც ევროკავშირის მისია, ასევე ყველა შესაბამისი უწყება.

რაც შეეხება ტერიტორიაზე მოქალაქეების არ შეშვებას, გომელაურმა განმარტა, რომ ეს მათივე უსაფრთხოებისთვის ხდება.

 „ერთი თვის წინ დააყენეს რკინის ბოძები, დღეს მოვიდნენ და რკინის ცხაურები, ე.წ „სეტკა“ მიიტანეს ე.წ ადმინისტრაციულ ხაზზე. იქ რაღაც განსაკუთრებული არ ხდება, კონტროლს ექვემდებარება ჩვეულებრივად, უბრალოდ, ეს ხალხის არ შეშვება, ჟურნალისტების, ისევ მათი უსაფრთხოების თემიდან გამომდინარეა. გუშინ და გუშინწინ იყო განცხადებები, თითქოს ჩვეი სპეცდანიშნულების ჯგუფები გადადიოდნენ, ზვერავდნენ. რა თქმა უნდა, ეს აბსურდია. არანაირი ჩვენი სადაზვერვო და სპეცდანიშნულების ჯგუფები გადასვლას არ ცდილობდნენ. ვიცით, რომ მათ პირიქით დაარღვიეს და გადმოვიდნენ ჩვენ მხარეს რამდენიმე ხნის წინ. დღევანდელ ქმედებებზე, ცხაურების გაკვრის შესახებ რკინის ბოძებზე, უსაფრთხოების სამსახურმა ჩააყენა ცხელი ხაზი საქმის კურსში, ევროკავშირის სადამკვირვებლო მისია და ყველა უწყება, ყველა საერთაშორისო ორგანიზაცია, რომ მათ ისევ გააგრძელეს ე.წ „ბორდერიზაციის“ პროცესი“, - განაცხადა ვახტანგ გომელაურმა.

ავტორი: ექსპრესნიუსი,

სოციალური ქსელები

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს

„გახარია საქართველოსთვის“ პარლამენტში მომხდარი ჩხუბის გამოძიებას მოითხოვს

რა შეიცვალა საქართველოს ეკონომიკისთვის ახლო აღმოსავლეთის შეთანხმებიდან ორი კვირის თავზე?

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური