„ქამრების მოჭერის მაგივრად, ისე მოუშვეს, რომ მთავრობას უზარმაზარი ღიპი გადმოუვარდა. ეს არის სწორედ ქამრებ მოშვებული ბიუჯეტი“, - ამის შესახებ ფრაქცია "ნაციონალური მოძრაობის" თავმჯდომარე რომან გოცირიძემ პარლამენტის პლენარულ სხდომაზე განაცხადა, სადაც 2019 წლის ბიუჯეტში შესატან ცვლილებებს განიხილავენ.

როგორც გოცირიძემ აღნიშნა, შიდა ვალი ბოლო სამი თვის განმავლობაში 400 მილიონი ლარით არის გაზრდილი.

„ქვეყანას ახრჩობენ ვალებში. ხარჯებს ზრდიან შიდა ვალის აღების გზით. როგორ შეიძლება  ბიუჯეტში ცვლილებას ახორციელებდე, როცა ქვეყანაში მთავარი პრობლემა არის ფასების ზრდა. 400 მილიონი ლარით მიღებული შემოსავალი, რომელიც უნდა მოხმარებოდა ადამიანებს, ხელისუფლებამ გარეთ გასცა საგარეო ვალის მომსახურებისთვის, ამიტომ 2020 წელს ჩვენ უარესს მდგომარეობას მივიღებთ. ეს ბიუჯეტი შეიძლება ითქვას, რომ არის „ქართული ოცნების“ პოლიტიკური ელიტის ფეოდალური ბიუჯეტი“, - განაცხადა გოცირიძემ.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა