2019-10-15 10:46:41, 3343 ნახვა
მსოფლიო
ამერიკამ თურქეთს სანქციები დაუწესა
სირიაში სამხედრო ოპერაციის გამო, ამერიკის შეერთებულმა შტატებმა თურქეთს სანქციები დაუწესა, - ამის შესახებ აშშ-ის ფინანსთა სამინისტროს ვებგვერდზე გამოქვეყნებულ ინფორმაციაშია ნათქვამი.
განცხადების თანახმად, სასანქციო სიაში თურქეთის თავდაცვისა და ენერგეტიკის სამინისტროები მოხვდნენ. გარდა ამისა, სიაში ასევე არიან ხსენებული უწყებების ხელმძღავენელბი და აგრეთვე, თურქეთის შინაგან საქმეთა მინისტრი.
მანამდე ამერიკის პრეზიდენტმა დონალდ ტრამპმა განაცხადა, რომ თურქეთთან სავაჭრო მოლაპარაკებები დაუყოვნებლივ შეწყდება. მისივე თქმით, მომავალში შეზღუდვები შესაძლოა ფინანსურ სექტორსა და ვიზის გაცემასაც შეეხოს.
ცნობისთვის, თურქეთმა სირიაში სამხედრო მოქმედებები დაიწყო. ამის გამო, ამერიკამ სირიიდან საკუთარი სამხედროები გაიყვანა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
