„ამ თემასთან დაკავშირებით პოპულისტური განცხადებები არ უნდა ვაკადროთ ჩვენს საზოგადოებას და ძალიან სერიოზული აწონვა სჭირდება იმ შემდგომ ნაბიჯებს, რაც უნდა გადაიდგას, მით უმეტეს, როცა ხელისუფლებაში ხარ, პასუხისმგებლობა გაქვს ქვეყნის და მისი სტაბილურობის წინაშე",-ასე გამოეხმაურა საპარლამენტო უმრავლესობის ლიდერი გიორგი ვოლსკი ოპონენტების განცხადებებს პრეზიდენტის იმპიჩმენტის საკითხთან დაკავშირებით.

გიორგი ვოლსკის განცხადებით, იმპიჩმენტის საკითხზე საუბრობენ ადამიანები, რომელთაც პასუხისმგებლობა არ გააჩნიათ. მისივე თქმით, სახელმწიფოს  და მისი სტაბილურობის ინტერესებიდან გამომდინარე, იმპიჩმენტის საკითხი არ დამდგარა ექსპრეზიდენტების- სააკაშვილის და მარგველაშვილის შემთხვევებშიც კი. 

„გამოდიან ადამიანები, ვისაც არათუ პასუხისმგებლობა არა აქვთ, არამედ ნამუსი დაკარგეს საერთოდ, იმხელა დანაშაულებები აქვთ ყველა მიმართულებით ჩადენილი.41 მკვლელობის მუხლით გასამართლებული შეიწყალა მარგველაშვილმა, 8, მხოლოდ სამ წელიწადში შეიწყალა სააკაშვილმა და აქვე, გირგვლიანის გახმაურებული საქმე. მაგრამ აქ თემა სახელმწიფოს სტაბილურობას და ქვეყანას ეხება. ჩვენ სააკაშვილის იმპიჩმენტი არ მოგვითხოვია, იმიტომ, რომ პარტნიორებისგან იყო რჩევები, რომ ბოლომდე მიგვეყვანა. იგივე, მარგველაშვილის იმპიჩმენტის დაწყება, წარმოიდგინეთ რა პროცესებს დაუდებდა საფუძველს",-განაცხადა გიორგი ვოლსკიმ ტელეკომპანია „იმედის" ეთერში.

საპარლამენტო უმრავლესობის ლიდერის განცხადებით, ამ თემაზე მსჯელობა არ ყოფილა. მისივე თქმით, არსებობს პასუხისმგებლობა ქვეყნის წინაშე, რომელიც ყველას მოეთხოვება.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს