ინვესტორების განწყობები, იქნება ეს ადგილობრივი, უცხოელი თუ კვაზი უცხოელი, ქვეყანაში პოლიტიკური ტემპერატურის აწევაზე რეაგირებს და არ აქვს მნიშვნელობა, ვინ არის მართალი, - ასე უპასუხა ფინანსთა მინისტრმა  ივანე მაჭავარიანმა ჟურნალისტების კითხვას  პირდაპირი უცხოური ინვესტიციების კლების შესახებ.

მაჭავარიანმა ზოგადად, რეგიონში, ეკონომიკური გარემოს დაძაბულობასაც გაუსვა ხაზი.

“ინვესტიციების ბუნება, იქნება ეს უცხოური თუ ადგილობრივი, ეს აბსოლუტურად მეორადი საკითხია, დამერწმუნეთ. რომ იცოდეთ, უცხოური ინვესტიციების 60-70% ეს არის, სინამდვილეში, თავისი ბუნებით, ქართული,  ადგილობრივი ინვესტიციები, გატანილი აქედან და შემოტანილი სხვადასხვა ქვეყნიდან  ან ოფშორიდან. ამიტომ, თქვენ ჩემი თხოვნაა გაითავისოთ, რომ პირდაპირი უცხოური ინვესტიციები ეს არ არის გადამწყვეტი და მთავარი საზომი, მთავარი საზომია ინვესტიციები. როდესაც გვაქვს, ზოგადად, ინვესტიციების კლება, გეთანხმებით, რომ ეს არის იმის ნიშანი, რომ ინვესტორების განწყობები,  იქნება ეს ადგილობრივი, უცხოელი, თუ კვაზი უცხოელი, ეს არის შედარებით დაბალ დონეზე. ამ განწყობების შემცირებას  რამდენიმე ფაქტორი იწვევს: პოლიტიკური, ქვეყნის შიგნით მიმდინარე პროცესები, რომელიც მოხდა  2 თვის წინ, მთავრობის ცვლილება და ა.შ. ამ ყველაფერზე რასაკვირველია, ბიზნესი რეაგირებს. აბსოლუტურად არ არის ბიზნესისთვის მნიშვნელოვანი, ვინ არის მართალი, პოლიტიკური ტემპერატურა აიწევს - დამთავრებულია. დაიძაბება ურთიერთობა მეზობელთან? იქნება რუსეთი, თურქეთი თუ ვიღაცა, იქაც არ აინტერესებთ, ამ შემთხვევაში, ვინ არის მართალი-მტყუანი, ტემპერატურამ აიწია? განწყობები შემცირდა. გარდა ამისა, რეგიონიც დაძაბულია ეკონომიკურად და ესეც პრობლემაა”, - განაცხადა ივანე მაჭავარიანმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს