"წარმოდგენა არ მაქვს, ქართულ პოლიტიკაში ვინ არის სანდო, მე ვიცი ერთი რამ, ამ შეხვედრის შესახებ არ მსმენია და არ ვყოფილვარ", - ასე უპასუხა ფინანსთა მინისტრმა ივანე მაჭავარიანმა ჟურნალისტებს,  რომლებმაც საზოგადოებრივი მოძრაობა “ლელოს” დამფუძნებლის, მამუკა ხაზარაძის განცხადების შეფასება სთხოვეს, სადაც ის ბიძინა ივანიშვილის არაფორმალურ მმართველობაზე მიანიშნებს. 

მაჭავარიანი ამ კითხვის საპასუხოდ აღნიშნავს, რომ საქართველოში ბოლო 25 წლის განმავლობაში, ყველაზე თავისუფალი ბიზნესგარემოა. 

“თქვენ ისე მისვამთ შეკითხვას, თითქოს ფაქტი მომხდარია და ჩემი შეფასება გინდათ. ჯერ დაადასტურეთ ფაქტი - იყო თუ არა შეხვედრა, ვინ იყო ამ შეხვედრაზე - მე არ ვიცი ამ შეხვედრის შესახებ, არ ვყოფილვარ და აბა რა გითხრათ. წარმოდგენა არ მაქვს, დღეს ვინ არის სანდო და ვინ არ არის სანდო - ვიცი ერთი რამ, ამ შეხვედრის შესახებ არ მსმენია და არ ვყოფილვარ, დანარჩენი, ქართულ პოლიტიკაში, თქვენ მითხარით ვინ არის სანდო და ვინ არა. გეტყვით ერთ რამეს - ამ ქვეყანაში ვცხოვრობ  ბოლო 45 წელიწადია, აქედან ერთი 20-22 წელი ვარ ბიზნესში, ერთი წელია რაც ვარ საჯარო სამსახურში და ერთ რამეს გეტყვით სრული პასუხისმგებლობით - ასეთი თავისუფალი ბიზნეს-გარემო და ბიზნესი ზეწოლისგან, ამ ბოლო 25 წლის პერიოდში, არ ყოფილა. დანარჩენი, თუ რომელიმე კონკრეტულ კომპანიაზე, კონკრეტულ შემთხვევაზე არსებობს ფაქტები, მოიტანონ, დადონ და თუ არ იქნება რეაგირება, მერე შეიძლება ვილაპარაკოთ. კიდევ ვიმეორებ, რაც ამ ქვეყანაში კერძო საკუთრება გამოცხადდა, იქიდან მოყოლებული დღემდე ბიზნესი ასე თავისუფალი არ ყოფილა”, - განაცხადა ივანე მაჭავარიანმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს