"პატრიოტთა ალიანსის" წევრი გია ლომია, ამერიკელი მკვლევარისგან დევიდ კრამერისგან ბოდიშის მოხდას ითხოვს. 

როგორც ლომიამ აღნიშნა, "პატრიოტთა ალიანსი" ამერიკის შეერთებული შტატების საელჩოში ნოტის გაგზავნას აპირებს. 

"არავითარ პროვოკაციად არ უნდა შეფასდეს ქალბატონი ირმა ინაშვილის ვიზიტი გუშინდელ კონფერენციაზე. რადგან ღონისძიება ტარდებოდა სასტუმროში, ხოლო სასტუმრო არის საჯარო სივრცე და არანაირი დაპატიჟება არ არის საჭირო. უცხო ქვეყნის მოქალაქე ხარ ბოლოს და ბოლოს, ჩამოსული ხარ ქეყანაში და მასპინძელთან ცოტა უხეში საუბარი, ამაზრზენია. თუნდაც ის, როგორ ექცეოდა ჟურნალისტებს, ყრიდა დარბაზიდან. შეიძლება ჟურნალისტებს ასე ექცეოდე. აუცილლებლად გაიგზავნება ნოტა ამერიკის სარლჩოში, ბატონი კრამერისგან ბოდიშის მოხდას ვითხოვთ, რადგან მისი გუშინდელი საქციელი იყო არაადეკვატური", - განაცხადა ლომიამ.  

ცნობისთვის, გუშინ, თბილისში მიმდინარე საერთაშორისო კონფერენციაზე, Now What? "პატრიოტთა ალიანსის" წევრი ირმა ინაშვილი მივიდა. დეპუტატის მისვლის შემდეგ ადგილზე ვითარება დაიძაბა. ინაშვილმა სიტყვით გამოსვლა ითხოვა, რასაც დარბაზში ხმაური მოჰყვა. როგორც მოგვიანებით პოლიტიკოსმა განმარტა, მას სურდა მოხსენებით გამოსვლა, კერძოდ კი, "ევროპული საქართველოს" წევრისთვის გიგა ბოკერიასთვის პასუხის გაცემა, რომელიც, ინაშვილის მტკიცებით, 2 დღის განმავლობაში, კონფერენციაზე მისი პარტიის შესახებ დეზინფორმაციას ავრცელებდა. ხსენებული მოვლენების დროს, ირმა ინაშვილსა და ამერიკელ მკვლევარს დევიდ კრამერს შორის სიტყვიერი დაპირისპირება მოხდა, რის შემდეგაც კრამერმა ინაშვილს დარბაზის დატოვება მოსთხოვა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს