"თიბისი ბანკის დამფუძნებლების, მამუკა ხაზარაძის და ბადრი ჯაფარიძეს ადვოკატი ეკა ეგუტია აცხადებს, რომ ხაზარაძის დაკითხვის ოქმი, მუქარის წერილთან დაკავშირებით, რომელიც ფულის გათეთრების საქმეში უნდა ყოფილიყო, საქმეს დართული არ აქვს.

ეგუტია აღნიშნავს, რომ წერილთან დაკავშირებით საქმის აღძვრას მუქარის კუთხით ელოდნენ, თუმცა პროკურატურამ საქმე არ აღძრა.

"მუქარის წერილთან დაკავშირებით, მამუკა ხაზარაძე დაკითხეს სასამართლოს წინაშე, ანუ დაკითხვის  ოქმი არსებობს, მაგრამ საქმეში, რომელიც გადმოგვეცა, ეს ოქმი არსად ფიგურირებს. პროკურატურამ თქვა, რომ ეს დაკითხვა ხდება ფულის გათეთრების საქმის ფარგლებშიო. ჩვენ გვეგონა, რომ საქმეს ცალკე, მუქარის მუხლით აღძრავდნენ, მაგრამ ასე არ მოხდა. ეს საქმე [ფულის გათეთრების] გადმოგვეცა ჩვენ, დანართებით და ის დაკითხვის ოქმი არსად არ ფიგურირებს. რას ემსახურებოდა ეს გამოკითხვა, ჩვენთვის გაუგებარია. გამოკითხვის დროს ჩვენ ვიკითხეთ - ეს გამოკითხვა ხდება რომელი საქმის ფარგლებში, ცალკე აღძარით თუ არა თქო და გენერალურმა პროკურატურამ ფულის გათეთრების საქმის ფარგლებში დაგკითხავთო, მათ ეს უფლებამოსილება აქვთ. შესაბამისად, ამ საქმის ფარგლებში ველოდებოდით, რომ იქნებოდა თანდართული მასალებში, თუმცა არ ფიგურირებს არსად", - განაცხადა ეკა ეგუტიამ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს