"საქართველოს და აზერბაიჯანის საზღვარზე, დავით გარეჯის სამონასტრო კომპლექსთან სადემარკაციო სამუშაოების ფარგლებში ექსპერტების მორიგი შეხვედრა უახლოეს მომავალში იგეგმება" - ამის შესახებ საგარეო საქმეთა სამინისტროს წარმომადგენელმა ვლადიმერ კონსტანტინიდმა განაცხადა.

კონსტანტინიდის ინფორმაციით, ექსპერტების შეხვედრის შემდეგ კომისიის სხდომა თბილისში გაიმართება.

"როგორც ვიცით, გასულ კვირას ექსპერტების შეხვედრა ჩატარდა. არის 14 შეუთანხმებელი მონაკვეთი, რომლის ნახევრის დათვალიერებაც მოხდა. ექსპერტები შეთანხმდნენ, რომ ახლო მომავალში შედგება მორიგი შეხვედრა. ისინი ადგილზე საველე სამუშაოებს ჩაატარებენ და აზომვითი სამუშაოები განხორციელდება. ამის შემდეგ, თბილისში გაიმართება კომისიის მორიგი სხდომა. თარიღსა და სხვა დეტალებს მოგვიანებით მოგაწვდით. კომისია შერეულია - არიან როგორც აზერბაიჯანული, ასევე ქართული მხრიდან, როგორც ექსპერტები, ასევე სახელმწიფო უწყებების წარმომადგენლები", - განაცხადა ვლადიმერ კონსტანტინიდმა.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს