ჰონგ-კონგში, სპეცრაზმმა დემონსტრანტების წინააღმდეგ ხელკეტები, ცრემლსადენი გაზი და არალეტალური იარაღი გამოიყენა, - ამის შესახებ ინფორმაციას BBC ავრცელებს.

BBC-ის ცნობით, სპეცრაზმმა შტურმით აიღო დაკეტილი რკინიგზის სადგური, რომელიც დემონსტრანტებს ჰქონდათ დაკავებული.

ერთ-ერთ ვიდეოში ჩანს, როგორ ესვრიან ოფიცრები დემონსტრანტებს  საკმაოდ ახლო მანძილიდან.  ასევე, ვრცელდება კადრები, თუ  როგორც სცემენ პოლიციელები ხელკეტით ესკალატორზე მოქალაქეებს.

შტურმის დროს  დემონსტრანტებმა  პოლიციელებს "მოლოტოვის კოქტეილები" და აგურები დაუშინეს, რასაც აქციის მონაწილეების დაკავება მოჰყვა. შეტაკებისას ათეულობით ადამიანი დაშავდა, რომელთა შორის პოლიციელებიც იყვნენ.

მასობრივი დემონსტრაციები  და არეულობა ჰონგ-კონგში უკვე ორი თვეა გრძელდება.  სამოქალაქო პროტესტი საექსტრადაციო კანონს უკავშირდება, რომლის თანახმად დაკავებულ პირს განაჩენს ჩინეთის სასამართლო გამოუტანს.

ჰონგ-კონგს დიდი ბრიტანეთის კოლონიის სტატუსი 1997 წელს ჩამოერთვა და ჩინეთის შემადგენლობაში იმ პირობით შევიდა, რომ ფართო ავტონომია ექნებოდა, გარდა თავდაცვითი და საგარეო საკითხებისა, ის დამოუკიდებლად მიიღებდა გადაწყვეტილებებს. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს