ამერიკის შეერთებული შტატების პრეზიდენტი დონალდ ტრამპი ლგბტ თემს, ღირსების თვის ფარგლებში სოლიდარობას უცხადებს, - ამის შესახებ თეთრი სახლის ხელმძღვანელმა Facebook-ის საკუთარ გვერდზე დაწერა. 

ტრამპის თქმით, მისმა ადმინისტრაცია ჰომოსექსუალობის დეკრიმინალიზაციის მასშტაბური კამპანია დაიწყო.

"ვინაიდან ჩვენ აღვნიშნავთ ღირსების თვეს და ლგბტ თემის ღვაწლს ვაფასებთ, რომელიც მათ ჩვენი ერის განვითარებაში შეიტანეს, მოდით ასევე სოლიდარობა გამოვუცხადოთ იმ ლგბტ ადამიანებს, რომლებიც სხვადასხვა ქვეყანაში იდევნებიან, რომლებსაც სვავენ ციხეში და ხანდახან სიკვდილითაც კი სჯიან მათი სექსუალური ორიენტაციის გამო. ჩემმა ადმინისტრაციამ ჰომოსექსუალობის დეკრიმინალიზაციის მასშტაბური კამპანია დაიწყო და ყველა ქვეყანას მოუწოდა ამ პროცესს შეუერთდნენ", - წერს ტრამპი. 

ცნობისთვის, "თბილისი პრაიდის" ორგანიზებით სხვადასხვა სახის ღონისძიებები საქართველოს დედაქალაქშიც უნდა გაიმართოს. ღონისძიებების ჩატარება 18-დან 24 ივნისამდეა დაგეგმილი. ოგორც ორგანიზატორები აცხადებენ, თბილისში ღირსების მსვლელობაც უნდა გაიმართოს. 

აღსანიშნავია, რომ ზუსტი ღონისძიებების განრიგი ან სხვა დეტალები უცნობია. ორგანიზატორები შინაგან საქმეთა სამინისტროსთან პერიოდულად შეხვედრებს მართავენ. გუშინ უწყების მიერ გავრცელებულ ინფორმაციაში ნათქვამი იყო, რომ თბილისი პრაიდის მიერ დაგეგმილ ადგილებზე ღონისძიებების ჩატარება შეუძლებელია. არასამთავრობო ორგანიზაციები უწყების აღნიშნულ განცხადებას გამოეხმაურნენ და დასძინეს, რომ ეს შსს-ს მხრიდან თემის მიმართ გულგრილობის ნიშანია. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს