იტალიის პარლამენტის ქვედა პალატამ 1915-1926 წლებში, ოსმალეთის იმპერიაში სომეხთა მასობრივი მკვლელობის გენოციდად აღიარებას მხარი დაუჭირა, - ამის შესახებ Deutsche Welle იუწყება. 

მედია საშუალების ინფორმაციით, კანონმდებლებმა სომხების გენოციდის აღიარებისკენ მთავრობასაც მოუწოდეს. გენოციდის აღარებას მხარი 382-მა დეპუტატმა დაუჭირა, ხოლო 43-მა პარლამენტარმა კენჭისყრაში მონაწილეობისგან თავი შეიკავა. აღსანიშნავია, რომ კანონპროექტის წინააღმდეგ ხმა არც ერთ დეპუტატს მიუცია. 

მედიის ცნობით, მომხდარ ფაქტს თურქეთი უკვე გამოეხმაურა. ოფიციალურმა ანკარამ იტალიის პარლამენტის მიერ ენოციდის აღიარების გამო უკმაყოფილება გამოთქვა. თურქეთის საგარეო საქმეთა სამინისტრომ უწყებაში იტალიის ელჩიც დაიბარა.

შეგახსენებთ, რომ არაერთი ქვეყანა პირველი მსოფლიო ომის დროს ოსმალეთის იმპერიაში 1,5 მილიონამდე სომხის დახოცვასა და დეპორტაციას გენოციდად მიიჩნევს. გენოციდი აღიარებული აქვს 29 სახელმწიფოს, მათ შორის საფრანგეთსა და გერმანიას. 

თავის მხრივ ოფიციალური ანკარა გენოციდს არ აღიარებს, თუმცა აცხადებს, რომ სომხების მკვლელობა სამოქალაქო არეულობის დროს მოხდა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა