აჭარას სპორტული ტურიზმის პოპულარიზაციის მიზნით წამყვანი ბრიტანული მედიასაშუალებების ჟურნალისტები სტუმრობდნენ. The Times-ის, National Geographic-ის, ასევე პოპულარული სამოგზაურო და სამთო ტურისტული ჟურნალების Snow-Forecast.com-ის, InTheSnow Magazine-ისა და Mpora-ს ჟურნალისტებმა სამთო-სათხილამურო კურორტი „გოდერძი“ მოინახულეს. მედიატურის წარმომადგენლები რეგიონს აჭარის ტურიზმის დეპარტამენტის, მთის კურორტების მართვის სააგენტოსა და ტურიზმის ეროვნული ადმინისტრაციის ორგანიზებით სტუმრობდნენ. კურორტ გოდერძის გარდა სპორტულმა ჟურნალისტებმა გუდაური, სვანეთში ჰაწვალისა და თეთნულდის კურორტები დაათვალიერეს. წამყვან ბრიტანულ გამოცემებში საქართველოს მთის კურორტების შესახებ მომზადებული სტატიები და რეპორტაჟები ტურის დასრულების შემდეგ გამოქვეყნდება.

„კურორტი გოდერძი ერთ-ერთი მთავარი ტურისტული პროდუქტია აჭარისთვის, როგორც ოთხი სეზონის ტურისტული მიმართულებისთვის. ამ ეტაპზე კურორტზე 133 მილიონის ინვესტიცია ხორციელდება, რაც  ძალიან მნიშვნელოვანია კურორტის განვითარებისთვის. ჩვენ მაქსიმალურად ხელს ვუწყობთ კურორტის პოპულარიზაციას, როგორც ქვეყნის შიგნით ისე მის ფარგლებს გარეთ. ის ერთადერთი კურორტია, რომელიც განაშენიანების გენერალური გეგმის მიხედვით ვითარდება და მალე, ჩვენ მივიღებთ თანამედროვე სტანდარტების სამთო-სათხილამურო კურორტს, რომელიც ტურისტებს წლის ნებისმიერ დროს უმაპისნძლებს“, - განაცხადა აჭარის ტურიზმის დეპარტამენტის თავმჯდომარე სულხან ღლონტმა.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რა წერია საქართველოს შესახებ PACE-ს რეზოლუციაში - სრულად

გენერალური პროკურორი: ექიმ ჩახუნაშვილს არჩევანი აქვს: აღიაროს დანაშაული და მოინანიოს

35 წლის ნინო მუჯირი პირველ სამშობიარო სახლში გარდაიცვალა, ოჯახი პერსონალის დასჯას ითხოვს

პესკოვი: ჯერ კიდევ გაურკვეველია, თუ რას უხელმძღვანელებს ცხინვალის „ყოფილი ლიდერი“