"ირაკლი კვარაცხელია სწორედ რუსეთის სამხედრო ბაზაზე, რუსი სამხედროების გარემოცვაში დაიღუპა. ამიტომ დროა, ხელისუფლებას მოვთხოვოთ დაშვებული შეცდომის გამოსწორება", - ამის შესახებ "ევროპული საქართველოს" ლიდერმა დავით ბაქრაძემ განაცხადა. 

როგორც ბაქრაძემ აღნიშნა, რუსეთი ქართველების დევნას აგრძელებს. 

"12 მარტს გალის რაიონში რუსულ ოკუპაციას კიდევ ერთი ქართველი შეეწირა - საოკუპაციო რეჟიმის მიერ დაკავებული ირაკლი კვარაცხელია უშუალოდ რუსეთის საოკუპაციო ჯარების სამხედრო ბაზაზე დაიღუპა. პირველ რიგში ღრმა მწუხარებას გამოვთქვამ და ვუსამძიმრებ გარდაცვლილის ოჯახს, მეგობრებსა და ახლობლებს. მსურს მათ ამ მძიმე დროს სიმტკიცე ვუსურვო. თითოეული ჩვენგანისა და ჩვენი სახელმწიფოს ვალია დადგეს ამ ადამიანების გვერდით. რუსეთი აგრძელებს საქართველოს ტერიტორიების ოკუპაციას, ქართველების დევნას, წამებასა და მკვლელობას. “ევროპული საქართველოს” ინიციატივით, საქართველოს პარლამენტმა ოთხოზორია-ტატუნაშვილის სია დაამტკიცა, რომლის მიზანი ყველა იმ სამხედრო თუ სამოქალაქო პირის გამოვლენა და დასჯაა, ვინც საქართველოს მოქალაქეების გატაცებაში, წამებასა და მკვლელობაში იღებდნენ მონაწილეობას. სამწუხაროდ, ხელისუფლებამ ამ სიაში დღემდე არ შეიყვანა ის რუსი სამხედრო და ოფიციალური პირები, ვინც ამ ყველაფერს სჩადიოდა და დღემდე სჩადის, ვისი პასუხისმგებლობაცაა ოკუპირებულ ტერიტორიაზე მშვიდობიანი მოსახლეობის წინააღმდეგ მომხდარი დანაშაულებრივი ქმედებები. ირაკლი კვარაცხელია სწორედ რუსეთის სამხედრო ბაზაზე, რუსი სამხედროების გარემოცვაში დაიღუპა და ამიტომ, ახლაა დრო, მოვთხოვოთ ხელისუფლებას დაშვებული შეცდომის გამოსწორება და ოთხოზორია-ტატუნაშვილის სიას რუსეთის სახელმწიფოს იმ სამხედრო და სამოქალაქო წარმომადგენლების დამატება, რომელთა უშუალო პასუხისმგებლობითაც ოკუპირებულ ტერიტორიაზე ხდება დანაშაული. მხოლოდ ასე იქნება შესაძლებელი მომავალში საქართველოს მოქალაქეების სიცოცხლისა და უსაფრთხოების დაცვა. ჩვენ გავაგრძელებთ მუშაობას ოთხოზორია-ტატუნაშვილის სიისა და თანმდევი სანქციების, როგორც საერთაშორისო მხარდაჭერის მოპოვების, ასევე ამ სიაში ყველა დამნაშავე პირის შეყვანისთვის. კიდევ ერთხელ გამოვთქვამ ღრმა მწუხარებას და ვუსამძიმრებ ირაკლი კვარაცხელიას ნათესავებსა და ახლობლებს", - განაცხადა დავით ბაქრაძემ  
 

ავტორი: ,

სოციალური ქსელები

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა