"ნაციონალური მოძრაობის" ერთ-ერთი ლიდერის რომან გოცირიძის განცხადებით, რუსი ოკუპანტების მიერ საქართველოს მოქალაქეების გატაცება ყოველდღიურ პრობლემად იქცა.

როგორც გოცირირძემ აღნიშნა, გატაცებების ფონზე საქართველოს ხელისუფლება რუსეთთან ურთიერთობაში არჩეულ კურსს - ე.წ. დათმობის პოლიტიკას არ ცვლის. 

"ფაქტია, რომ სიკვდილი მოჰყვა ამ ახალგაზრდის გატაცებას და ეს უკვე გახდა ჩვენი ცხოვრების ყოველდღიური სატკივარი გატაცება წამება. ის, რომ ხელისუფლება არ იღებს შესაბამის ზომებს, ტატუნაშვილის სიაში ერთი რუსიც კი არ არის შეტანილი და მხოლოდ აფხაზეთისა და ცხინვალის ადმინისტრაციის ჩინოვნიკები არინ მოქცეული. ხელისუფლება არ დგამს ადეკვატურ ნაბიჯებს და ეს სწორედ არის რუსეთისადმი ამ ე.წ. დათმობების პოლიტიკის შედეგი“, -განაცხადა რომან გოცირიძემ. 

შეგახსენებთ, საქართველოს მოქალაქე ირაკლი კვარაცხელია გალში ე.წ. საზღვრის უკანონოდ კვეთის ბრალდებით 10 მარტს დააკავეს. ადგილობრივების თქმით, კვარაცხელიასა და ე.წ. მესაზღვრეებს შორის შელაპარაკება მოხდა. ოკუპირებული აფხაზეთის დე-ფაქტო უშიშროების სამსახურის ცნობით, საბუთების შესადგენად ირაკლი კვარაცხელია სასაზღვრო სამმართველოს დანაყოფში გადაიყვანეს. 

"ოთახში მარტო ყოფნისას მან თავი ჩამოიხრჩო. ადგილზე სამედიცინო პერსონალი გამოიძახეს, თუმცა კვარაცხელიას გადარჩენა ვერ მოხერხდა. სამედიცინო ექსპერტიზამ დაადგინა, რომ ცხედარს ძალადობის კვალი არ აღენიშნებოდა. მომხდარის გარემოებების გამოძიებას რუსეთის შესაბამისი უწყებები ახორციელებენ", - ნათქვამია განცხადებაში.

ცნობისთვის, ირაკლი კვარაცხელია ქართული მხარის მიერ კონტროლირებად ტერიტორიაზე 13 მარტს გადმოასვენეს. 

ავტორი: ,

სოციალური ქსელები

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა

დროა: ელენე ხოშტარია ციხიდან ვივამედში გადაჰყავთ, უკვე გზაშია

საგანძურის მარათონი დაიწყო - შემოუერთდი საგანძურის მაძიებლებს თიბისის მობაილბანკში