"სამწუხაროა, რომ ახალი თემების შემოტანით, რომელთა დაკავშირებითაც, მიუხედავად მცდელობისა, პასუხები ვერ მივიღეთ, მოხდა მთავარი თემის გადაფარვის მცდელობა“, - ამის შესახებ ფრაქცია „ქართული ოცნება - დემოკრატიული საქართველოს“ თავმჯდომარემ, მამუკა მდინარაძემ განაცხადა.

მისი თქმით, მამუკა ხაზარაძეს უნდა წარმოედგინა მის მიერ ხსენებული მუქარის შემცველი წერილი, რადგანაც ზოგადი საუბარი კითხვის ნიშნებს აჩენს.

"ჩვენ სამწუხაროდ რამდენიმე კითხვაზე პასუხი ვერ მივიღეთ და იმედია რომ მომდევნო პერიოდში ამასთან დაკავშირებით ჩვენ გვექნება საშუალება მივიღოთ ინფორმაცია. როდესაც განცხადების ავტორი ამბობს რომ იყო მუქარის შემცველი წერილი კონკრეტული პირისგან, მან უნდა დაასახელოს დრო, ადგილი, საშუალება და შინაარსი, როდესაც ამაზე თავს იკავებს მეტი კითხვის ნიშნები რჩება. როგორც მინიმუმ მამუკა ხაზარაძეს დღეს უნდა დაესახელებინა შინაარსი და წარმოედგინა ეს განცხადება, თუმცა კონკრეტული მითითებები, რომელიც მან გააკეთა დღეს პარლამენტში, არ გაუკეთებია პროკურატურაში. კითხვა ამასთან დაკავშირებით, რატომ არ წარადგინა ეს წერილი მან პროკურატურაში, დღემდე დარჩა პასუხგაუცემელი.

ბატონმა მამუკამ თავად განაცხადა, რომ ზოგადად თქვა პროკურატურაში მუქარის შესახებ, შემდეგ დიმიტრი ხუნდაძემ მოითხოვა გასაჯაროვება, მაგრამ კონკრეტული თხოვნა, წარმოედგინა წერილი, უფრო დეტალურად განემარტა, ამის იქით ჩვენ ვერაფერს ვერ გავაკეთებთ და ვერ ვიმსჯელებთ.  ეს მოხდება მას შემდეგ, თუკი ასეთი წერილი მართლა არსებობს“, - აღნიშნა მამუკა მდინარაძემ. 

ავტორი: ,

სოციალური ქსელები

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს