2015-06-15 11:24:08, 416 ნახვა
საზოგადოება
მოსახლეობას ელექტროენერგიის მიწოდება სავარაუდოდ, დღეს აღუდგება
მოსახლეობას, რომელსაც დენი სტიქიის გამო გაეთიშა, ელექტროენერგიის მიწოდება, სავარაუდოდ, დღეს აღუდგება.
ენერგეტიკის მინისტრის კახა კალაძის განცხადებით, შესაბამისი სამუშაოები მიმდინარეობს და არსებული პრობლემა შესაძლოა, დღის ბოლომდეც აღმოიფხვრას.
„დასრულდა აღდგენითი სამუშაოები და დაიწყო უკვე მოსახლეობისათვის ელექტროენერგიის მიწოდება. არის ორი კორპუსი იმ ხეობის მიმდებარედ, სადაც პრობლემები იყო. ამ დროისთვის მხოლოდ ამ ორ კორპუსს არ მიეწოდება ელექტროენერგია და აღდგენითი სამუშაოები გაგრძელდება“, - განაცხადა კახა კალაძემ.
„თელასში“ აცხადებენ, რომ რამდენიმე კორპუსში აღდგენითი სამუშაოების დაწყება წყლის არსებობის გამო ვერ ხერხდება. სტიქიის გამო უშუქოდ 25 ათასამდე აბონენტი იყო დარჩენილი, თუმცა უმეტესობას უკვე მიეწოდება ელექტროენერგია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
