2015-06-15 10:48:31, 441 ნახვა
საზოგადოება
საპარტნიორო ფონდი სტიქიისგან დაზარალებულებს 50 000 ლარით დაეხმარება
საპარტნიორო ფონდი სტიქიისგან დაზარალებულებს ფინანსურად დაეხმარება.
როგორც საპარტნიორო ფონდის მენეჯმენტი აცხადებს, ფონდი მზადაა გამოყოს 50 000 ლარი, რომელიც 13–14 ივნისის ღამეს ძლიერი წვიმისა და წყალდიდობის შედეგად დაზარალებულ ოჯახებს მოხმარდება.
„ჩვენ ვწუხვართ მომხდარის გამო, ვუსამძიმრებთ დაღუპულთა ოჯახებს და განვიცდით იმ უმძიმეს მდგომარეობას, რომელშიც აღმოჩნდნენ წუხანდელი სტიქიისაგან დაზარალებული ოჯახები. ჩვენ გამოვყავით 50 000 ლარი, გადავრიცხავთ სპეციალურ ანგარიშზე და გვსურს მათი მდგომარეობის შემსუბუქებაში გარკვეული წვლილი შევიტანოთ“, - განაცხადა საპარტნიორო ფონდის აღმასრულებელმა დირექტორმა ირაკლი კოვზანაძემ.
ბოლო ინფორმაციით, სტიქიის შედეგად 12 ადამიანია დაღუპული.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
