საქართველოს პრემიერ-მინისტრმა მამუკა ბახტაძემ ბიზნეს ასოციაციის წევრებს ახალი საგადასახადო და საბაჟო კოდექსის ფორმირების პროცესში აქტიური ჩართულობისაკენ მოუწოდებს.

როგორც პრემიერ-მინისტრმა ბიზნეს ასოციაციის წევრებთან შეხვედრისას  განაცხადა, ახალი საბაჟო კოდექსი ელექტრონული საბაჟოს განვითარების იდეას ეფუძნება, დოკუმენტის პრეზენტაცია უკვე შედგა და მის განხილვაში მონაწილეობა ბიზნეს წრეების წარმომადგენლებს ღიად შეუძლიათ.

„ჩვენ დაანონსებული გვაქვს და უკვე მოხდა პრეზენტაცია ახალი საბაჟო კოდექსის, რომელიც ელექტრონული საბაჟოს განვითარების იდეას ეფუძნება. ჩვენ ეს ღია პლატფორმაზე გვაქვს გაკეთებული და მინდა მოგიწოდოთ, რომ იყოთ ყველა აქტიურად ჩართულები. როგორც საგადასახადო, ასევე საბაჟო კოდექსი აუცილებლად უნდა იყოს კერძო სექტორის და სახელმწიფოს ძალიან ეფექტური მუშაობის პროდუქტი. ჩვენ ისიც დავაანონსეთ, რომ აუცილებლად შეიცვლება არსებული საგადასახადო კოდექსი და მისი განხილვაც მოხდება ღია პლატფორმაზე და კიდევ ერთხელ მოგიწოდებთ, იყოთ აქტიურად ჩართულები. მახსოვს, ბიზნეს ასოციაციას ჰქონდა ძალიან კონკრეტული შენიშვნები ძველ რედაქციასთან და აქედან გამომდინარე თქვენი კონტრიბუცია ამ საკითხში არის ძალიან მნიშვნელოვანი", - განაცხადა მამუკა ბახტაძემ.

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს