„თუ ყველა ერთად ჩავთვლით, რომ ეს ის შედეგია, რომელიც ჩვენს საკმაოდ შეჭირვებულ ფინანსურ ეკონომიკურ მდგომარეობას შვებას მისცემს და უზრუნველყოფს, რომ შიდა ბაზარზე ეს ნივთიერება არ გავრცელდეს, რატომაც არა“, - ამის შესახებ იუსტიციის მინისტრმა თეა წულუკიანმა სამედიცინო მიზნებისთვის მარიხუანის მოყვანისა და ექსპორტის შესახებ მთავრობის ინიციატივასთან დაკავშირებით განაცხადა.

როგორც მინისტრმა აღნიშნა, ძალიან მნიშვნელოვანია, რომ ამ საკითხის განხილვა რაც შეიძლება მშვიდ და ემოციებისგან დაცლილ გარემოში მოხდეს.

„მესმის, რომ ეს თემა ამ ქვეყანაში ყველასთვის ვერ იქნება ის თემა, რომლის მიმართაც ვინმე გულგრილი იქნება, მაგრამ ეს იმდენად კომპლექსური და მნიშვნელოვანი საკითხია, რომ ყველამ ერთად უნდა გადავწყვიტოთ, რა ჯობს ჩვენი ქვეყნის მომავალი განვითარებისთვის, შევაფასოთ ეკონომიკური შედეგი. თუ ყველა ერთად ჩავთვლით, რომ ეს ის შედეგია, რომელიც ჩვენს საკმაოდ შეჭირვებულ ფინანსურ ეკონომიკურ მდგომარეობას შვებას მისცემს და მკაცრი კონტროლის ქვეშ უზრუნველყოფს იმას, რომ შიდა ბაზარზე ეს ნივთიერება არ გავრცელდეს, შეიძლება ჩავთვალოთ რომ რატომაც არა. მე არ ვთვლი, რომ წინასწარ რაიმე არის სანერვიულო ან პანიკის საფუძველი არსებობს, რადგან მთავრობის საკანონმდებლო ინიციატივის მიზანი იყო ერთადერთი - ჩვენმა ეკონომიკამ, რაკი გვაქვს მნიშვნელოვანი გამოცდილება სასოფლო-სამეურნეო ინდუსტრიის სფეროში, დაიკავოს საერთაშორისო ეკონომიკაში გარკვეული ნიშა, რაც შემოუტანს შემოსავალს ჩვენს ქვეყანას“, - განაცხადა თეა წულუკიანმა.

ავტორი: ,

სოციალური ქსელები

უკრაინული რაკეტები ამჟამად რუსეთის რეგიონების ნახევარზე მეტს აღწევენ

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ