ტერორისტული ორგანიზაციისთვის მომსახურების გაწევაში ბრალდებულები სასამართლომ დამნაშავედ ცნო

2018-09-13 10:01:24, 1087 ნახვა

სამართალი

თბილისის საქალაქო სასამართლოში ტერორიზმის მხარდაჭერის საქმის განხილვა დასრულდა.

როგორც „ექსპრესნიუსს“ პროკურატურიდან აცნობეს, სასამართლომ სრულად გაიზიარა ბრალდების მიერ წარდგენილი მტკიცებულებები, რის შედეგადაც ბ.ჩ.-ს და ზ.გ.-ს მსჯავრი დაედოთ საქართველოს სსკ-ის 3311-ე მუხლის პირველი ნაწილით გათვალისწინებული დანაშაულის ჩადენაში (ტერორისტული ორგანიზაციისთვის მომსახურების გაწევა, თავშესაფრის მიცემა და რესურსებით უზრუნველყოფა).

„ბ.ჩ.-ს საპროცესო შეთანხმების საფუძველზე შეეფარდა 8 წლით თავისუფლების აღკვეთა, საიდანაც 3 წელს მოიხდის სასჯელაღსრულების დაწესებულებაში, ხოლო დარჩენილი ხუთი წელი შეეცვალა პირობით ექვსი წლის გამოსაცდელი ვადით, ხოლო ზ.გ.-ს შეეფარდა 13 წლით თავისუფლების აღკვეთა“, - ნათქვამია პროკურატურის განცხადებაში.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები