2018-07-17 22:39:34, 1420 ნახვა
სამართალი
ზაზა სარალიძე: მთავარი პროკურორისგან მივიღე პირობა, რომ საქმეს პირად კონტროლზე აიყვანს
ხორავას ქუჩაზე მოკლული ერთ-ერთი მოზარდის მამა ზაზა სარალიძე ადვოკატთან და სახალხო დამცველის წარმომადგენელთან ერთად პროკურატურაში ახალ მთავარ პროკურორს, შალვა თადუმაძეს შეხვდა.
როგორც სარალიძემ ჟურნალისტებს განუცხადა, მან თადუმაძეს საქმის მასალები გააცნო და მისგან საქმის დეტალური გამოძიების პირობა მიიღო.
"დღეს, სამწუხაროდ, საქმის ახალი პროკურორები არ გამოცხადნენ შეხვედრაზე, ვისთანაც კონკრეტული კითხვები მქონდა და კონკრეტული პასუხები უნდა მიმეღო, მაგრამ შევხვდი ახალ გენერალურ პროკურორს, შალვა თადუმაძეს, რომელთანაც ვისაუბრე დეტალებზე. მითხრა რომ გაეცნობა საქმეს თავიდან ბოლომდე და სრული პასუხისმგებლობით საქმეს აიყვანს პირად კონტროლზე", - აღნიშნა ზაზა სარალიძემ.
![]()
ავტორი: ,
epn.ge (@expressnews.ge)
