სასამართლო ირაკლი ნოზაძის დაჭრისთვის დაკავებული თამთა ჯანჯღავასთვის აღკვეთის ღონისძიების შეფარდებაზე მსჯელობს. მას განზრახ მკვლელობის მცდელობისთვის აქვს ბრალი წარდგენილი.

ბრალდებულის ადვოკატი არჩილ შაბაშვილი 5000-ლარიანი გირაოს სანაცვლოდ ჯანჯღავას გათავისუფლებას ითხოვს. მისი თქმით, არ არსებობს იმის საფუძველი, რომ ბრალდებულს ყველაზე მკაცრი აღკვეთის ღონისძიება შეეფარდოს.

„არ არსებობს საფუძველი იმისთვის, რომ გამოყენებულ იქნას ყველაზე მკაცრი აღკვეთის ღონისძიება, თავისუფლების აღკვეთის სახით, ვინაიდან არ არსებობს მისი მიმალვის, გამოძიებისთვის ხელის შეშლის ან განაჩენის აღსრულების სახით“, -  განაცხადა არჩილ შაბაშვილმა.

რაც შეეხება დანაშაულის მოტივს, ადვოკატმა აღნიშნა, რომ ირაკლი ნოზაძეს მისი დაცვის ქვეშ მყოფის ვალი ჰქონდა 250 ლარის ოდენობით და სწორედ ეს გახდა კონფლიქტის მიზეზი.

ბრალდების მხარე დაკავებულისთვის აღკვეთის ღონისძიების სახით პატიმრობას ითხოვს. როგორც პროკურორმა თამარ მისაბიშვილმა აღნიშა, პატიმრობის გამოყენების ყველა საფუძველი არსებობს. 

შეგახსენებთ, ირაკლი ნოზაძეს თავს ორი დღის წინ,  წერეთლის გამზირზე დაესხნენ. მას ჭრილობა ცივი იარაღით მიაყენეს.  თავდასხმის ბრალდებით სამართალდამცავებმა ორი გოგო გაადაკვეს. გამოძიება თამთა ჯანჯღავას განზრახ მკვლელობის მცდელობას, ხოლო მის მეგობარ ნათია თოფურიას დანაშაულის შეუტყობინებლობას ედავება. ჯანჯღავა ბრალს არ აღიარებს და აცხადებს, რომ „პიკასოს“ მოკვლა არ სურდა.

ავტორი: ,

სოციალური ქსელები

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა