მამუკა ბახტაძის ხედვები არის მისაღები და მისასალმებელი, – ამის შესახებ  პარლამენტის ვიცე-სპიკერმა  გია ვოლსკიმ განაცხადა.

მისი თქმით, საპარლამენტო უმრავლესობის დღევანდელ შეხვედრაზე ყველაფრის დეტალურად განხილვის შესაძლებლობა დროის სიმცირის გამო არ ყოფილა.

„ვრცელი საუბრის და დეტალების განხილვის დრო საათ-ნახევარში, რასაკვირველია, არ გვქონდა უმრავლესობის შეხვედრაზე. მაგრამ არაერთი წინა შეხვედრა უძღოდა დღევანდელ შეხვედრას ფინანსთა მინისტრთან და დეტალებში განვიხილეთ, რა მიმართულებები არის პრიორიტეტული, სოციალურიდან დაწყებული, განსაკუთრებულ თემაზე, რასაც ჰქვია საქართველოს სატრანზიტო სისტემების განვითარება. მისი ხედვები განათლების სისტემიდან დაწყებული დამთავრებული საერთაშორისო უსაფრთხოებით, არის მისაღები და მისასალმებელი. ყველანი მზად ვართ, მხარი დავუჭიროთ“,- განაცხადა ვოლსკიმ.

მინისტრთა კაბინეტში ცვლილებებისა და თეა წულუკიანის გადადგომის მოთხოვნის შესახებ დასმულ კითხვაზე ვოლსკიმ განაცხადა, რომ ამ საკითხს მამუკა ბახტაძე თავად შეაფასებს.

„მინისტრების გადაყენებას მოითხოვენ, ქვეყნის დესტაბილიზაციას მოითხოვენ, რყევას მოითხოვენ და  დაპირისპირებებში მაღალ ხარისხს მოითხოვენ. რასაკვირველია, მამუკა ბახტაძე ამ მოთხოვნების გარეშე შეაფასებს სიტუაციას და წარმოადგენს თავის კანდიდატურს“,- აღნიშნა გია ვოლკიმ.

შეგახსენებთ, „ქართულმა ოცნებამ“ პრემიერ-მინისტრად მამუკა ბახტაძე წარადგინა.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს