ოკუპირებულ ცხინვალში გაურკვეველ ვითარებაში გარდაცვლილი არჩილ ტატუნაშვილის მამა, გიორგი ტატუნაშვილი სამხარაულის ექსპერტიზის ბიუროს წარმომადგენლებთან შეხვედრას აპირებს.

როგორც ტატუნაშვილმა "რუსთავი 2"-ის ეთერში განაცხადა, მას აინტერესებს, რატომ არ არის ასახული დასკვნაში გარკვეული დაზიანებები.

"დასკვნაში წერია, რომ შუბლზე ნატყვიარი არ არისო. ვაპირებ შევხდე სამხარაულის ექსპერტიზის ბიუროს წარმომადგენლებთან, რომ გამარკვიონ რა ეტყობოდა შუბლზე. მიმაჩნია, რომ ეს ნატყვიარია. თანდათან არ ეტყობა ის ადგილი, მაგრამ დაკრძალვის წინა დღეებში დაეტყო. ცხვირზეც აქვს მიყენებული დაზიანებები. სულ სხვანაირი ცხვირი ჰქონდა და ჩვენ კეხიანი ცხვირით გადმოგვცეს. ცხვირი არ იყო თავისი. რუსეთიდან გადმოცემულ დასკვნაშიც ცხვირზე მიყენებულ დაზიანებებზე არაფერი წერია. ეწერა, რომ ცხვირი მთელია. როგორ იყო მთელი, როცა მთელი ცხვირი ჩალურჯებული ჰქონდა. სასტიკად და უღმერთოდ აწამეს. როცა ვერ ათქმევინეს ის რაც სურდათ, გაიმეტეს სასიკვდილოდ. გოტოები, როდესაც ვნახე, ერთი ადგილი არ ჰქონდა მთელი. ქვედა და ზედა კიდურები, გულმკერდის არე, ბეჭები -  მთლიანად დალურჯებულია", - განაცხადა გიორგი ტატუნაშვილმა.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს