ეკონომიკისა და მდგრადი განვითარების მინისტრის მოადგილის გენადი არველაძის ხელმძღვანელობით, სამინისტროს ფარგლებში შექმნილი სავაჭრო საკითხებზე მომუშავე საკონსულტაციო საბჭოს მორიგი შეხვედრა გაიმართა. 

შეხვედრას საბჭოს მუდმივ შემადგენლობასთან ერთად საქართველოში ელექტროკაბელების მწარმოებელი კომპანიების წარმომადგენლები დაესწრნენ. 

შეხვედრაზე წარმოდგენილი იყო ორი მნიშვნელოვანი კვლევა, „არასატარიფო ბარიერები საქართველოდან ელექტროკაბელების ექსპორტზე თურქეთში“ და „საქართველო-ჩინეთის თავისუფალი ვაჭრობის შესახებ შეთანხმების შესაძლებლობები  DCFTA-ს კონტექსტში“. 

კვლევები საქართველოს ეკონომიკისა და მდგრადი განვითარების სამინისტროს ინიციატივით, USAID „მმართველობა განვითარებისთვის“ პროექტის მხარდაჭერით მოამზადა საკონსულტაციო კომპანიამ  „TBSC კონსალტინგი“.  

გენადი არველაძემ კვლევის შედეგებზე ისაუბრა და აღნიშნა, რომ ჩინეთთან თავისუფალი ვაჭრობის რეჟიმის ამოქმედებით ქართული პროდუქტისათვის დამატებით ახალი 1,4 მილიარდიანი სამომხმარებლო ბაზარი. 

მისი თქმით, ჩინეთთან თავისუფალი ვაჭრობის შესახებ შეთანხმების გაფორმებამ საქართველოში ახალი შესაძლებლობები გააჩინა, მათ შორის, წარმოების, ინვესტიციებისა და ვაჭრობის კუთხით. 
გენადი არველაძის განცხადებით, კონკურენტუნარიანი სამეწარმეო გარემო და ლიბერალური საბაზრო პოლიტიკა შესაძლებლობას აძლევს როგორც ევროპულ, ასევე ჩინურ კომპანიებს, რომ საქართველოში ინვესტირების გზით მოახდინონ სხვადასხვა პროდუქტის და მომსახურების მიწოდება ერთმანეთის ბაზრებზე. 

მისი თქმით, დღეს წარმოდგენილმა კვლევამ გამოკვეთა ის მნიშვნელოვანი სექტორები, რომელშიც  ინვესტირება და განვითარება  ჩინური კომპანიებისთვის დაინტერესების საგანს შეიძლება წარმოადგენდეს.

შეხვედრაზე ასევე განიხილეს კვლევა „არასატარიფო ბარიერები საქართველოდან ელექტროკაბელების ექსპორტზე თურქეთში“. 

დასასრულს აღინიშნა, რომ ასეთი სახის შეხვედრების ჩატარება კერძო  სექტორთან  მომავალშიც  იგეგმება.

(NS)

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს