გასული წლების მსგავსად, წელსაც „ბლექსი არენაზე“ ჩატარდება როგორც უცხოელი, ასევე ქართველი შემსრულებლების საინტერესო კონცერტები, - ამის შესახებ „ბლექსი არენას“ დირექტორმა ანი კავლელიშვილმა Check in Georgia-ს 2018 წლის პრეზენტაციაზე განაცხადა. 

მისი თქმით, ამ ეტაპზე საქართველოში კონცერტების გამართვაზე მოლაპარაკებები მიმდინარეობს მაღალი დონის უცხოელ ვარსკვლავებთან, რომელთა ვინაობა მოგვიანებით გახდება ცნობილი. 
„ბლექსი არენაზე“ ღონისძიებები მაისიდან სექტემბრის ჩათვლით გაიმართება. ასევე ჩვენ ველოდებით ჭადრაკის ოლიმპიადის გახსნას, რაც ასევე ძალიან მნიშვნელოვანია.  ვფიქრობ, ძალიან მრავალფეროვანი სეზონი გამოგვივა, კულტურული და სპორტული ღონისძიებებით დატვირთული“, - აღნიშნა ანი კავლელიშვილმა. 

მისი თქმით, Check in Georgia-მ მხარდაჭერა გამოუცხადა ქართველ ვარსკვლავებს კონცერტების ჩატარებაში. შესაბამისად, „ბლექსი არენა“ იჯარით უზრუნველყოფს Check in Georgia-ს ღონისძიებების ფარგლებში მონაწილე იმ პირებს, ვისაც სურვილი ექნებათ ქართული და უცხოური კომბინირებული ღონისძიებები ჩაატარონ, რაც ქართველი შემსრულებლებისთვის წინ გადადგმული ნაბიჯი იქნება და საქართველოს კულტურულ ცხოვრებას ახალ საფეხურზე გადაიყვანს. 

„მინდა დიდი მადლობა გადავუხადო პირველ ვიცე-პრემიერის, ეკონომიკისა და მდგრადი განვითარების მინისტრს, ბატონ დიმიტრი ქუმსიშვილს ასეთი ნდობისთვის. „ბლექსი არენას“ გუნდს წელს დაევალება ანაკლიის სეზონის მენეჯმენტი. ამ პროცესში მონაწილეობის მისაღებად ჩვენ მოვიწვიეთ ელექტრონული სფეროს პროფესიონალები, რომლებიც საქართველოში მოღვაწეობენ დიდი ხანია და მათთან ერთად, ანაკლიაში გარდამავალ პერიოდს ვგეგმავთ“, - აღნიშნა ანი კავლელიშვილმა. 
„ბლექსი არენას“ დირექტორის თქმით, მომავალი წლიდან სახელმწიფო მრავალწლიან მხარდაჭერას გამოუცხადებს ანაკლიაში ფესტივალს. 

„ვფიქრობ, არაერთი საინტერესო პროექტი დაიგეგმება და 2019 წლიდან ხანგრძლივ რეჟიმში სახელმწიფო სუბსიდირებას გაუწევს და მხარდაჭერას გამოუცხადებს ელექტრონული ფესტივალის განვითარების პროექტს“, - აღნიშნა ანი კავლელიშვილმა. 

(NS)

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს