უკრაინის გენპროკურორი ნადეჟდა სავჩენკოს ტერაქტის მომზადებაში ადანაშაულებს და მის დაკავებას მოითხოვს

2018-03-15 15:11:04, 2260 ნახვა

მსოფლიო

უკრაინის გენერალურმა პროკურორმა იური ლუცენკომ დეპუტატი ნადეჟდა სავჩენკო უმაღლეს რადაში ტერაქტის დაგეგმვაში დასდო ბრალი, - ამის შესახებ Pravda.ua იუწყება.

როგორც ლუცენკომ აღნიშნა, ტერორისტები ცეცხლსასროლი იარაღით რადის გუმბათის ჩამონგრევას აპირებდნენ.

"გამოძიებას აქვს დამადასტურებელი ფაქტები, იმისა რომ სავჩენკო პირადად გეგმავდა ტერაქტს და ამის სპეციალისტებთან ჰქონდა კონტაქტი. ის აძლევდა მათ განკარგულებებ, თუ როგორ უნდა მოეხდინათ ტერაქტი. მისივე მითითებით შემსრულებლებს აფეთქების მერე გადარჩენილი დეპუტატი უნდა დაეხვრიტათ", - განაცხადა ლუცენკომ და დასძინა, რომ დღეს ის პარლამენტს სავჩენკოსთვის დეპუტატის ხელშეუხებლობის მოხსნის თხოვნით მიმართავს.

„დღეს მე, როგორც უკრაინის გენერალური პროკურორი, შევიტან პარლამენტში წარდგენას ნადეჟდა სავჩენკოს სისხლის სამართლის პასუხისგებაში მიცემაზე, დაკავებაზე და დაპატიმრებაზე“, - განაცხადა იური ლუცენკომ.