საერთაშორისო  ავტორიტეტულმა გამოცემამ  Wall street Journal ბლოკჩეინს ტექნოლოგიისადმი მიძღვნილ სტატიაში საქართველოს, კერძოდ კი საჯარო რეესტრის ეროვნული სააგენტოს გამოცდილება განიხილა. 

სტატიაში, რომელიც Wall street Journal-მა 6 მარტს გამოაქვეყნა, განხილულია საჯარო რეესტრის ეროვნული სააგენტოს მიერ ბლოკჩეინის ტექნოლოგიის დანერგვის პროექტი  და შვედეთსა  და ამერიკის შეერტებულ შტატებში უძრავ ქონების გარიგებებში ბლოკჩეინის ტექნოლოგიის გამოყენების სატესტო პროექტები.  

„ბოლო ერთი წელია, საქართველოში, საჯარო რეესტრის ეროვნული სააგენტო ბლოკჩეინის ტექნოლოგიას უძრავი ქონების ამონაწერების შესახებ ინფორმაციის შენახვისთვის იყენებს, მათ შორის, ქონების ყიდვის/გაყიდვის ან იპოთეკის რეგისტრაციის დროს. დღეისათვის ბლოკჩეინში მილიონი ამონაწერის შესახებ ინფორმაციაა შენახული, თითოეული მათგანი უნიკალური ჰეშ-კოდით.

სააგენტოს შემდეგ მიზანია გონიერი (smart) კონტრაქტების დანერგვა, რაც უძრავი ქონების ტრანზაქციების ციფრულ ფორმატში შესრულებას უზრუნველყოფს.

„ეს შესაძლებლობას გვაძლევს, რომ მოქალაქეებს, რომლებიც იმყოფებიან საზღვარგარეთ, შევთავაზოთ სერვისი", განაცხადა საჯარო რეესტრის ეროვნული სააგენტოს თავმჯდომარემ, პაპუნა უგრეხელიძემ.

ქვეყანამ ახლახანს მიიღო კანონი ელექტრონული ხელმოწერებთან დაკავშირებით და მუშაობს ბლოკჩეინ ტექნოლოგიასთან დაკავშირებულ სხვა რეგულაციებზე, განაცხადა მან", - წერს გამოცემა Wall street Journal. 

საქართველოს გამოცდილებას მაგალითად ასახელებს ასევე, გამოცემა The Merkle 5 მარტს გამოქვეყნებულ სტატიაში.

(NS)

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს