შინაგან საქმეთა მინისტრის მოადგილის, ნათია მეზვრიშვილის განცხადებით, დოდო გუგეშაშვილის დაჭრისა და მისი შვილის მკვლელობის საქმეზე მიმდინარეობს ყველა იმ ვერსიის გადამოწმება, რომელიც ამ ეტაპზე გამოძიებას აქვს.

მეზვრიშვილის თქმით, გამოძიება ძალიან ბევრი მიმართულებით აქტიურად მუშაობს და დამატებითი ინფორმაიის შემთხვევაში საზოგადოებას აუცილებლად შეატყობინებენ.

ნათია მეზვრიშვილის გამოძიების ინტერესების გათვალისწინებით საქმის დეტალებზე არ საუბრობს.

„მოგეხსენებათ, დოდო გუგეშაშვილის გამოკითხვა განხორციელდა და ხდება ყველა იმ ვერსიის გადამოწმება, რომელიც ამ ეტაპზე გამოძიებას აქვს. ძალიან ბევრი მიმართულებით ვმუშაობთ და როგორც კი რაიმე დამატებით გახდება ცნობილი, საზოგადოებას ინფორმაციას აუცილებლად მივაწოდებთ“, - აღნიშნა ნათია მეზვრიშვილმა.

შეგახსენებთ, დიღმის მასივში, ყოფილი „მხედრიონელის“ დოდო გუგეშაშვილის ოჯახზე თავდასხმა  7 თებერვალს მოხდა. თავდამსხელმა ნოდარ გუგეშაშვილი მოკლა, დოდო გუგეშაშვილი კი, დაჭრა.

შინაგან საქმეთა სამინისტროს ინფორმაციით, გამოძიება განზრახ მკვლელობის და დამამძიმებელ გარემოებაში ჩადენილი განზრახ მკვლელობის მცდელობის ფაქტზე, სისხლის სამართლის კოდექსის 108-ე და 19-109-ე მუხლებით.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს