უკრაინის გენპროკურატურა - გაძევების მიუხედავად, სააკაშვილის წინააღმდეგ გამოძიება გაგრძელდება

2018-02-13 11:03:49, 2396 ნახვა

მსოფლიო

უკრაინიდან გაძევების მიუხედავად, მიხეილ სააკაშვილის წინააღმდეგ მიმდინარე გამოძიება გაგრძელდება, - ამის შესახებ უკრაინის გენერალური პროკურორის პრესმდივანმა ლარისა სარგენმა „უნიანს“ განუცხადა.

მისი თქმით, უკრაინის სასაზღვრო სამსახურის მიერ ჩატარებული ოპერაცია გენერალური პროკურატურისთვის მოულოდნელი იყო, რადგან მესაზღვრეებმა უწყება არ გააფრთხილეს.

კითხვაზე, თუ როგორ გაგრძელდება საგამოძიებო მოქმედებები, იმის გათვალისწინებით, რომ სააკაშვილი უკრაინაში აღარ იმყოფება, სარგანმა აღნიშნა, რომ ამასთან დაკავშირებით უწყებაში უახლოეს დღეებში ჩამოყალიბდებიან.

შეგახსენებთ, საქართველოს ყოფილი პრეზიდენტი და ოდესის ოლქის ყოფილი გუბერნატორი მიხეილ სააკაშვილი გუშინ კიევში, ერთ-ერთ კაფეში დააკავეს. უკრაინის სასაზღვრო სამსახურმა იგი პოლონეთის ტერიტორიაზე გააძევა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები