"არაადეკვატური განცხადებაა, მაგრამ იმ თვალსაზრისით, რომ საკმაოდ მძიმე მდგომარეობაშია, ფიქრობს, რომ სკანდალური განცხადებებით მეტ ყურადღებას მიიზიდავს”, - ასე გამოეხმაურა საპარლამენტო უმრავლესობის წევრი გია ვოლსკი აზერბაიჯანელი ჟურნალისტის აფგან მუხთარლის განცხადებას, რომლითაც ის თბილისიდან მისი გატაცების ხელშეწყობაში პრემიერ-მინისტრ გიორგი კვირიკაშვილს ადანაშაულებს.

ვოლსკის თქმით,  რეალურად რა მოხდა, ამას გამოძიება დაადგენს. დეპუტატი მიიჩნევს, რომ მუხთარლის განცხადებები პრემიერ გიორგი კვირიკაშვილთან დაკავშირებით უსაფუძვლოა და გამიზნულად კეთდება:

„თუმცა ყველაფერთან მიმართებაში გამოძიებას ჯერჯერობით პასუხები არ აქვს, მაგრამ შეკითხვები ბევრია. წლების განმავლობაში ის ცხოვრობდა საქართველოში, მოღვაწეობდა, არავინ ხელს არ უშლიდა.რეალობაც დადგინდება გამოძიების შემდეგ. ერთადერთი დოკუმენტი,რაც ვიცით, ეს არის სასამართლოს მიერ წაყენებული ბრალდება მის მიმართ. განცხადებეს, რომელსაც ის აკეთებს, არათუ რეალობასთან საფუძველი არ აქვს, გამიზნულად არის ჩამოყალიბებული სწორედ ყურადღების მისაქცევად”,-აღნიშნა ვოლსკიმ.

ოპოზიციის მოთხოვნას, რომ ამ საკითხზე პარლამენტის საგამოძიებო კომისია შეიქმნას, ვოლსკი ასე პასუხობს:

„ ოპოზიციის სტილია, რომ ყველაფერზე საგამოძიებო კომისია შეიქმნას ისე, რომ თავად წარმართონ პროცესი.თუ რაიმე რეალური არგუმენტი არსებობს, ჩვენ სიამოვნებით მოვუსმენთ ნებისმიერს და ყველას, მაგრამ ეს არ არის პოლიტიკური ორგანოს გადასაწყვეტი საკითხი. საგამოძიებო სტრუქტურებს უნდა ვთხოვოთ,რაც შეიძლება მალე მოფინონ ყველაფერს ნათელი”,-განაცხადა გია ვოლსკიმ.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს